譽居

營業中

休息中

平時早上、下午茶嚟多，今日收到已晚，仔女都食完飯，呢度唔洗排，就同長老、老婆一齊試下個晚市。呢度地方算寬敞，枱同枱之間有一定距離，有圓枱同卡位分，桌椅都係深啡色木，裝修格局有中國古典風。茄子肉碎炆伊麵茄子夠淋，肉粒大粒，加埋紅椒絲、青椒絲、芽菜炒，味道惹味，似魚香茄子，不過略咸。椒絲腐乳炒通菜通菜新鮮無渣，炒得有鑊氣，味道少少辣，夠腐乳味，正！燒鵝粒梅菜炒飯燒鵝粒不少，梅菜唔算多，飯質粒粒分明，加埋葱粒炒，個飯幾香，唔錯！薑蔥魚腩煲呢個煲正，魚腩夠大肉質實，加埋薑蔥煮，好入味，不過份量略少。