影片
更多
2012-10-06
14 瀏覽
見到有買一送一午餐Promotion，呢個星期放大假所以諗住同屋企人嚟試下呢度嘅鐵板燒。訂咗八大一小，到達時服務員已經預先準備好BB櫈及BB餐具，頗細心。但張BB櫈係冇安全帶嘅，如果帶BB嚟要留意。經電郵訂枱時我改咗一次人數，及要求窗口位，服務員回應都耐心有禮。餐廳環境唔錯，樓底高又有海景，但可惜因為曬而落咗窗簾，我估夜晚會靚好多。 我哋八個大人叫咗五個鐵板燒餐，三個和食午餐。幫我哋落Order個男服務員我覺得好有問題，佢只係聽而冇用紙記低，八個餐喎懶勁又好，定真係咁好記性，佢咁樣無形中俾咗好大嘅時間壓力我哋。攪到我哋要好趕咁Order，又唔敢問太多怕攪亂佢。叫完哂之後佢就去咗後面部電腦入機，嗰時我先醒起佢未問我哋D鐵板餐嘅牛肉係要薄燒或厚燒。我估佢未問啫，但以防萬一我決定行過去問佢。我問:〝咦我哋D鐵板餐牛肉未揀薄燒同厚燒嗰喎...〞佢竟然答:〝全部薄燒啦...〞其實佢答嘅時侯已經入緊機, 我完全估唔到佢會咁樣自把自為幫我哋諗埋。如果我唔主動問嘅話佢就會幫我哋Order全部薄燒，想互相Share嚟試吓都唔得啦。Anyway我哋最後改返做一半一半。另外攪咗咁耐佢都冇問過我D牛肉想要幾成
訂咗八大一小，到達時服務員已經預先準備好BB櫈及BB餐具，頗細心。
但張BB櫈係冇安全帶嘅，如果帶BB嚟要留意。
經電郵訂枱時我改咗一次人數，及要求窗口位，服務員回應都耐心有禮。
餐廳環境唔錯，樓底高又有海景，但可惜因為曬而落咗窗簾，我估夜晚會靚好多。
我哋八個大人叫咗五個鐵板燒餐，三個和食午餐。
幫我哋落Order個男服務員我覺得好有問題，佢只係聽而冇用紙記低，八個餐喎
懶勁又好，定真係咁好記性，佢咁樣無形中俾咗好大嘅時間壓力我哋。攪到我哋要好趕咁Order，又唔敢問太多怕攪亂佢。
叫完哂之後佢就去咗後面部電腦入機，嗰時我先醒起佢未問我哋D鐵板餐嘅牛肉係要薄燒或厚燒。
我估佢未問啫，但以防萬一我決定行過去問佢。
我問:〝咦我哋D鐵板餐牛肉未揀薄燒同厚燒嗰喎...〞
佢竟然答:〝全部薄燒啦...〞
其實佢答嘅時侯已經入緊機, 我完全估唔到佢會咁樣自把自為幫我哋諗埋。
如果我唔主動問嘅話佢就會幫我哋Order全部薄燒，想互相Share嚟試吓都唔得啦。
Anyway我哋最後改返做一半一半。
另外攪咗咁耐佢都冇問過我D牛肉想要幾成熟，而我亦已經放棄...由佢繼續入電腦。
前菜沙律 - OK
刺身係兩片三文魚加兩片油甘魚，幾新鮮山葵亦幾好，但其中兩碟內嘅油甘魚係細到離奇。我Wide Angle Zoom 到鬼咁近先影到張相咁正常~
嚟吓嚟吓嚟多咗碟刺身服務員想放低係檯，一問之下果然佢攪亂咗D Order，入多咗一個鵝肝牛肉套餐少咗個唔知咩餐。
攪到我放假食餐飯都要心煩
圖中呢個係太太叫嘅〝香蔥吞拿魚腩飯〞唔計份量個樣其實唔錯。可惜D魚奇怪地有油脂但冇應有嘅吞拿魚腩油脂香味，而且可能係用機打，所以打得太細碎差唔多變成蓉，影響口感
憑圖中右上角嘅陰影應該可以見到飯嘅深度只有約一吋，而呢個餐嘅所謂前菜只有兩條淮山及三片蘿蔔，係冇沙律及茶碗蒸蛋嘅。
所以除非你本前已經有D飽，否則絕對唔建議叫呢個餐。
原價$380，我計買一送一即係約$200，附近嘅壽司德， 壽司廣等都一定比較好及有合理份量。
特上刺身套餐妹夫話呢個幾好，尤其係吞拿魚。
鵝肝多士，上面有片好似係蘋果，唔太油整得幾好，調味可以再重手D。
天婦羅餐，擺得幾靚及有技巧，件與件之間支撐住又冇乜Overlap位，否則我估會比較快腍。阿媽話D蝦好靚有鮮味
炸粉厚咗DD但其實整體唔錯，唔太油
海鮮鐵板燒餐，重有一隻帶子嘅但冇影到相。我冇食，睇落OK。
厚燒牛肉，冇Specify到要幾成熟，嚟咗Medium，火候及調味都唔錯。薄燒牛肉亦冇影到相，但個樣正常，始終唔係坐鐵板燒枱，嚟到枱面時已經冇咁吸引。
炒飯及炒菜好食、飯炒得乾身，又香又夠熱，可以話係呢個餐嘅Highlight。
甜點係朱古力布甸，質感Bouncy而朱古力味濃。
八個餐之中收四個比較貴嘅價錢，合共$1,600
整體食物質素中上但個別有D參差，是划算但其實我只係食得半飽。
另外想建議午市全單50%會唔會好D，約人時唔使一定要雙數咁多約束
最後再想講一講嗰個落錯單嘅服務員。
太太，細妹及妹夫都不約而同地覺得佢〝有D問題〞
佢服務唔可以話好差，但如果餐廳叫〝雅‧高級日本料理〞咁佢就重有一大段距離先合格囉。
可能晚市冇Discount佢服務會好D掛。
張貼
