影片
更多
2022-11-24
35 瀏覽
〖ULURU〗↣ 灣仔朋友生日🎂聽講呢度裝修靚、嘢食又好食，就一於帶佢嚟試吓啦😍😍😍💰總消費: $1041/2人(有加一)・ 阿根廷刺身紅蝦配意大利香草包 ($138)作為前菜，呢個 dish真係又好睇又好食😋😋蝦刺身上面有幾塊花瓣🌼🌸同埋好多嘅黑松露💕，隻蝦🦐好似瞓咗係一隻艇仔上面😂擺盤好靚✨佢下面係意大利香草包🥖，而香草包上面有炒香過嘅蕃茄🍅同洋蔥🧅十分香口惹味💯💯💯因為佢用嘅食材都貴，而且擺盤細心、調味獨特，呢個價錢都合理😋・ 酥炸軟殼蟹忌廉意大利飯 ($138)呢個主食算抵食😋佢嘅軟殼蟹🦀好大隻😍最緊要佢炸得十分酥脆🤩一定係即叫即整🥳🥳配上濃郁嘅忌廉意大利飯，回味無窮🫶🏻🫶🏻🫶🏻分量方面真係夠晒足，唔好睇佢細細碟，我真係食唔晒🤣・ 羊扒大蝦配新薯紅洒燒汁 ($238)另一個主食叫左羊扒，我哋 order左7成熟🙌🏻上菜嘅時候，有少少驚訝🫣因為佢有三塊羊扒🥩、一隻大蝦🦐、同埋好多蔬菜🥬我好 appreciate多配菜嘅dish，因為都市人其實真係好缺蔬菜🤣🤣🤣仲要佢有好多唔同種類嘅蔬菜，例如蘆筍、西蘭花、蕃茄、薯仔，勁豐富😋講返個味道先，羊扒煎得啱啱好，係7成熟，所以口感好嫩🥳
朋友生日🎂聽講呢度裝修靚、嘢食又好食，就一於帶佢嚟試吓啦😍😍😍
💰總消費: $1041/2人(有加一)
・ 阿根廷刺身紅蝦配意大利香草包 ($138)
作為前菜，呢個 dish真係又好睇又好食😋😋蝦刺身上面有幾塊花瓣🌼🌸同埋好多嘅黑松露💕，隻蝦🦐好似瞓咗係一隻艇仔上面😂擺盤好靚✨佢下面係意大利香草包🥖，而香草包上面有炒香過嘅蕃茄🍅同洋蔥🧅十分香口惹味💯💯💯因為佢用嘅食材都貴，而且擺盤細心、調味獨特，呢個價錢都合理😋
・ 酥炸軟殼蟹忌廉意大利飯 ($138)
呢個主食算抵食😋佢嘅軟殼蟹🦀好大隻😍最緊要佢炸得十分酥脆🤩一定係即叫即整🥳🥳配上濃郁嘅忌廉意大利飯，回味無窮🫶🏻🫶🏻🫶🏻分量方面真係夠晒足，唔好睇佢細細碟，我真係食唔晒🤣
・ 羊扒大蝦配新薯紅洒燒汁 ($238)
另一個主食叫左羊扒，我哋 order左7成熟🙌🏻上菜嘅時候，有少少驚訝🫣因為佢有三塊羊扒🥩、一隻大蝦🦐、同埋好多蔬菜🥬我好 appreciate多配菜嘅dish，因為都市人其實真係好缺蔬菜🤣🤣🤣仲要佢有好多唔同種類嘅蔬菜，例如蘆筍、西蘭花、蕃茄、薯仔，勁豐富😋講返個味道先，羊扒煎得啱啱好，係7成熟，所以口感好嫩🥳，同埋佢肥瘦適中，肉質好好💕呢個羊扒配上紅酒燒汁，簡直係錦上添花🌸另外大蝦味道還可以，配埋蔬菜食會更加好食🫶🏻總結呢一個dish都值得呢個價錢，因為真係好多嘢食！差啲食唔晒🫣但係因為太好食，點都要食晒佢😂
・ 富士芝櫻祭- 丸久小山園抹茶 Tiramisu ($118)
從來都未見過咁有心機嘅蛋糕🥰🥰，無論賣相口感味道，一定比爆分💯佢有好多details 位，一般餐廳係唔會做到嘅🫣例如，其實佢嘅朱古力鳥居⛩️上面係竟然有金箔？其實佢入邊係有蛋糕餡？原來佢下面啲花瓣同埋朱古力碎餅唔係裝飾用，而係俾你同個蛋糕一齊食？原來個富士山上下分兩種唔同口味嘅 mousse🙀？呢個蛋糕真係俾咗好多驚喜我😻呢個價錢，再食多次都肯比🤩因為佢真係好細心，又夠靚，自己都未必整得到😂😂😂
・ ULURU 二次元立體夢幻蛋糕 ($138)
呢個真係蛋糕咩？似藝術品多啲喎😆😆呢個蛋糕超級可愛💕💕！佢連上面嘅士多啤梨🍓都畫咗樣嘅🫣🫣再次體會到呢間店舖嘅細心，真係好特別，好似有個士多啤梨🍓人仔坐喺舊雲☁️上面！成件事好生動，佢好似對住我笑咁🤣🤣🤣，然後個蛋糕入邊又有驚喜！入面原來係有🍓果肉嘅蛋糕 💕入邊嘅蛋糕配上出面綿密嘅cream，真係好sweet啊😻😻😻食過返尋味✨✨呢度嘅甜品真係視覺衝擊！ 🫶🏻🫶🏻🫶🏻滿分都唔夠比
・ Rose Sangria cocktail 🍸 ($78)
呢杯野真係好靚😻😻因為佢上面有一朵玫瑰花🌹而味道方面，我平時就好唔鍾意酒味嘅，但係呢一杯反而令我易入口🙀因為佢嘅玫瑰香氣同甜味蓋過咗佢嘅苦苦嘅酒味，但係又突出咗佢酒本身嘅味道，去除左苦味，我就覺得好好飲😆😆😆而且呢杯野又優雅又好飲，好值得加分💯💯
・ Lavender Dream 🍹($52)
店員話呢一杯係佢哋店嘅signature✨所以我就叫咗嚟試吓😋😋果然又好睇又好飲！佢係一杯荔枝果茶😻我好鍾意食荔枝，所以好啱我🤩🤩🤩細心睇，其實佢個杯上面係有啲藍色嘅糖霜，好似落緊雪☃️，咁好浪漫呀😍
・ Soups ($36 for 2)
佢嘅湯會送埋兩塊麵包🥯，佢嘅麵包不同於一般餸湯嘅包🥖，佢係類似一款鬆軟嘅合桃包，口感幾特別😋😋而佢嘅湯都唔錯🥰
・ 環境🏡
睇吓佢舖頭門口，唔講真係以為自己去咗外國🙈🙈一入到去好似去咗黑白世界咁！佢嘅裝飾主要係黑同白兩隻顏色🖤🤍，既簡約又優雅🫶🏻而且佢間店鋪仲有好多唔同類型嘅枱櫈，店員勁細心😍會俾你揀想坐咩位，例如梳化、高櫈等。同埋店入邊嘅音樂係宮崎駿嘅音樂！超鍾意呀💕💕💕加上店員服務態度超級好🥳，時時刻刻會留意你差啲乜嘢，又會幫你加水，又好好禮貌，所以服務真係要比滿分💯💯💯💯
😋味道4.9/5
🏡環境5/5
🍽️服務5/5
🙆🏻♀️再去4.9/5
總體評分:19.8/20⭐️
張貼
