珺

營業中

休息中

近年都流行食素食，令人感覺健康啲，最近留意到中環有間逆市下新的中法素食餐廳「珺 Emerald」，呢日放假就約咗朋友一齊去食☺️ 餐單每星期都會改，餐廳標榜全素，不含五辛、不含雞蛋、以及肉類。我哋兩個人揀咗Lunch set $188 ，有前菜、湯、主菜，另外再加左甜品😋我地各選唔同的食物Share，可以試多幾款😎食之前已經想為餐廳加分，枱上面的餐碟好靚😍好似係一件藝術品咁樣，完全係視覺的享受☺️🔸自家製烤菇沙律🔸麻辣洪湖BB蓮藕兩款前菜都好開胃，前者係西式，烤菇好Juicy，配黑醋汁沙律🥗後者的BB蓮藕，比較少見，口落好爽口，另外有雲耳、三色椒等，麻辣唔算好辣。🔸純素羅宋湯🔸泰式冬陰功羅宋湯好重蕃茄味， 十分濃郁，有蕃茄、紅蘿蔔、椰菜等配料。個人比較鍾意泰式冬陰功，有少少椰香味，酸酸辣辣嘅感覺，有西蘭花、紅蘿蔔、筍絲等配料。🔸蒸水餃配自家製醬油🥟蒸水餃的餡料相當豐富，用左新豬肉，醬汁加咗醋同埋類似擔擔麵嘅醬汁，幾特別😋🔸芝士獅子球意大利粉🍝香濃的蕃茄醬汁，唔酸，意粉軟硬度適中。獅子球即係素球，咬落幾彈牙，有菇味、粟米粒，幾好食👍🏻🔸脆皮燕麥奶+$30就可以要埋甜品，食完覺得真係物超所值😳