香港達人 (已結業)

我同屋企人去完吉之島超市買嘢，想搵個地方坐吓，於是就入咗去食個下午茶。一入去，有員工帶位，都 ok 嘅。直至落單，媽咪叫咗「扒芝士火腿三文治伴薯角」；爹哋叫咗「干炒牛河」；而我就叫咗「咖央厚多士伴雜果沙律」。飲品就叫咗一杯熱檸水、兩杯熱奶茶。當我仲考慮緊飲唔飲奶茶果陣，我就問個侍應：「請問你哋果 D 係港式，定係英式奶茶呀？」點知…佢就反問返我：「咩嘢叫英式奶茶呀？」我就答：「用茶包加熱水㗎！」而佢就繼續目光呆滯咁行去幫我哋落單。過咗 15 分鐘，D 嘢食黎到，我即係火都黎埋，D 食物嘅份量極少，雖然係下午茶姐，都唔駛咁過份嘛！