牛一 (始創中心) (已搬遷) 新店位置

今日同朋友去旺角行街，行到始創中心既時候剛好六點幾食晚飯既時間，於是去左地庫睇下有咩好野食。見到呢間牛一門口聚集左好多人，基本上其他餐廳都冇人等，只有呢間要等，可想而知受歡迎程度確實爆燈! 入去就坐時發現，原來呢間牛一新開張，只係大概一個月，環境摩登乾淨。感覺店內比尖沙咀店更大更舒適，食物擺放於近門口位置，真係好有食自助餐既感覺!我同朋友選擇左$248既澳洲和牛。第一碟牛賣相合格，肉味香濃，油花分佈平均，所以咬起來收嫩滑而帶彈性。平日去第二度食火鍋放題，最怕係第二碟肉開始會質素下降，但我呢次無遇到呢個問題。第二碟肉來到時依然咁吸引，值回票價。豚肉質素亦很好，味道濃郁而肉質唔"鞋"自助餐吧-任飲任食,你準備好未?甜品都有，tiramisu 旦糕好香又唔會太甜，質感好似雪芳旦糕任飲:因為太多人等位既關係，我地準時食左個半鐘就走人，但其實好夠時間，牛肉同自助吧食物refill得幾快，唔會浪費時間白等。