影片
更多
2018-06-13
117 瀏覽
好耐都無食過放題喇! 今次去左旺角番本到同朋友食盡佢! 呢度價錢唔算貴，而且食物種類都有好多。我就主攻生既食物，同行朋友就主攻熟食。首先當然係魚生啦，由於同行朋友唔食魚生，所以我只係叫左一人份量。三文魚、甜蝦、北寄貝、赤貝、象拔蚌，全部都十分新鮮，完全唔腥仲好鮮甜。有魚生又點可以無壽司! 我地要左蟹棒壽司、燒三文魚壽司，海膽吞拿魚，仲有三文魚卷，同樣地都係好新鮮，而且飯既味道亦調得好好，食左2件都唔覺濟。到熟食部分，首先要左我最愛既天婦羅。今次揀左炸蝦同炸蕃薯，炸皮唔會太厚粉，好脆身，而且亦都無油益味。然後有鹽燒雞中翼同燒牛脷，朋友話雞翼燒得相當出色，個皮燒得脆而不乾，而入面既雞肉仲係好嫩滑。而牛脷係厚切，燒完都唔會un仲好有口感。之後有芝士蟹子燒帆立貝同北海燒蠔。帆立貝加左蟹子多左D口感幾有驚喜;而燒蠔入面好似有蛋同沙津醬，仲有D蟹柳粒，加加埋埋都幾好食。再黎有燒翠肉瓜、牛油炒帶子同黑椒牛油炒雜菇，呢三樣係個人認為熟食黎講最最最好味既3款。翠肉瓜燒完仍然充滿汁。後兩樣牛油味好濃，再加埋蒜蓉炒出黎既香，我最後encore哂3款!牛油栗米粒都炒得好香，栗米本身亦好甜。呢度仲有蒸氣火鍋食!
我就主攻生既食物，同行朋友就主攻熟食。首先當然係魚生啦，由於同行朋友唔食魚生，所以我只係叫左一人份量。三文魚、甜蝦、北寄貝、赤貝、象拔蚌，全部都十分新鮮，完全唔腥仲好鮮甜。
有魚生又點可以無壽司! 我地要左蟹棒壽司、燒三文魚壽司，海膽吞拿魚，仲有三文魚卷，同樣地都係好新鮮，而且飯既味道亦調得好好，食左2件都唔覺濟。
到熟食部分，首先要左我最愛既天婦羅。今次揀左炸蝦同炸蕃薯，炸皮唔會太厚粉，好脆身，而且亦都無油益味。
然後有鹽燒雞中翼同燒牛脷，朋友話雞翼燒得相當出色，個皮燒得脆而不乾，而入面既雞肉仲係好嫩滑。而牛脷係厚切，燒完都唔會un仲好有口感。
之後有芝士蟹子燒帆立貝同北海燒蠔。帆立貝加左蟹子多左D口感幾有驚喜;而燒蠔入面好似有蛋同沙津醬，仲有D蟹柳粒，加加埋埋都幾好食。
再黎有燒翠肉瓜、牛油炒帶子同黑椒牛油炒雜菇，呢三樣係個人認為熟食黎講最最最好味既3款。翠肉瓜燒完仍然充滿汁。後兩樣牛油味好濃，再加埋蒜蓉炒出黎既香，我最後encore哂3款!
牛油栗米粒都炒得好香，栗米本身亦好甜。
呢度仲有蒸氣火鍋食! 雖然配料唔算好多，但喺放提入面黎講有蒸氣火鍋已經好開心!
因為我地得2個人所以個爐細細個好可愛。但其實放提之後都已經好飽，所以我地只係要左少少肥牛同蜆試下，爐熱左之後10分鐘到就已經熟哂可以食。蒸氣火鍋可以保持食物原本既鮮味。
飲品方面，選擇真係幾多。除左有一般既汽水、果汁之外，仲可以唔駛加錢有Asahi 啤酒、清酒同梅酒!
更值得一讚係呢度仲有3款熱飲，十分貼心!
甜品部分除左有飲品櫃入面既布丁同奶凍，亦有雪糕同雪糕糯米糍。
總結黎講，呢度完全無過漏單，上菜收碟都好快，食物又新鮮好食，飲品選擇多，價錢都好1相宜，抵食抵食。
張貼
