想與姐妹傾下計，又想食串燒，逛下逛下，找到了這間串燒。
座位有戶外和室內選擇。
串燒與燒烤種類各半，花多眼亂，選擇了好耐，幸好上菜好快。
桌面都有幾種調味料給客人自行增添食物味道。
先來 麻辣燒雞翼$32(2隻)，辣味比麻味還要重，辣到飛起，雞皮與肉同樣入味，雞肉依然juicy。
頂唔住辣，要飲罐檸檬茶解辣。
磯燒元貝$20，原本以為是原隻半殼元貝，原來是串燒粒裝，呈半乾濕，塗上醬燒汁來燒，蓋過了磯燒味。
鰻魚汁燒雞脾菇串$22，雞脾菇大件爽身，若一開二會更易咀嚼。
雙重芝士豬頸肉$75，鬆軟豬頸肉本身已夠味道，在其上放上芝士，使豬頸肉多了份芝士香。
黑魚子燒蠔$68(2隻)，日本廣島蠔蠔味較重，肥美飽滿，燒後仍有足夠水份，黑魚子份量勁多，卜卜脆的，好有口感。
牛油燒花甲$52，比想像中細粒，每粒花甲都有牛油的香，未致於嫩滑爆汁，又不會太乾爭，不過不失。
芝士燒虎蝦$58，蝦肉實淨彈牙，香口不過火，但芝士與蝦容易分離，兩者味道分開了。
