紅磡冰室

餐廳喺正炮台山港鐵站對面。
午市時間嚟到。要等一陣先有位。
餐廳大部份都係卡位。不過今日天氣熱。
坐近門口啲位唔多夠冷氣。侍應都做到有啲燥底。


原本一心想食一丁。可惜餐廳冇提供。
最後冇揀到午餐特餐。散叫左個豉椒排骨炒河。
試下廚房炒野嘅功力。
炒河碟頭大。河粉底炒得夠香唔多油。
急凍排骨冇乜肉味不過亦都冇雪藏味。個汁偏甜。
散叫熱飲要+$6。凍飲要+$9。
叫咗杯凍檸茶。茶底唔清有啲澀。

豉椒排骨炒河

$53

等緊嘢食嘅時候見到侍應拎左一碟炒飯出嚟。
碟炒飯埋到成座山咁高。如果2個女仔真係叫一碟都夠。