咖啡灣 (荃灣千色匯) (已結業)

平時去千色店既時候都成日比呢隻天鵝吸引到 但成日都好多人 所以一直冇試到 今日早左到荃灣 可以直接入去 所以就試下啦🤣佢夜晚都有啲set可以揀 我地叫左一個set加左半份窩夫 再加個軟殻蟹意粉 本身諗緊飲唔飲野 見佢個set可以減18蚊 所以加左個果茶☺️佢一共有五款果茶 我地揀左熱帶水果茶 消除一下疲勞 佢有一個心型既座 一直熱住啲果茶 百香果味好重 再配埋其他水果 成個感覺好清甜 如果飲得差不多 重可以加水 雖然果味會淡左 但本身個茶味都好香 更加可以消滯😎set方面 我地揀左夏威夷果汁醬燒豬肋骨 佢睇落唔算好大份 但其實食埋薯條同菠蘿都好夠飽 豬肋骨都好夾個果汁醬 食落冇咁膩~軟殻蟹黑松露意粉都好有驚喜 好少見到原隻軟殻蟹咁上 重要食落真係食到蟹肉既 佢既黑松露意粉都好夠味 啖啖都食得好滿足☺️最後到甜品窩夫 我地揀左半份黑魔王 佢個賣相已經加左好多份 兩塊❤️既窩夫 食落重係外脆內軟 焗得岩岩好 為我地呢餐劃下一個完美既句號☺️