我哋大概11點去到，仲有早餐可以俾我哋選擇，甚至見到佢有啲$20左右嘅下午茶餐，下次真係要黎食！
我就嗌咗個沙嗲牛出前一丁餐，分量多而且好豐富，沙嗲牛個面一份量超級多，一個半左右咁多嘅麵底，而且仲配左炒滑蛋、牛角包、雞扒同沙律菜等等，我食完之後都唔使食午餐啦！沙嗲牛份量好多而且係一塊塊牛， 完全係俾足料！
而我朋友就嗌咗個三餸飯，茄子係有少少辣但係可以接受，而且亦都唔會好鹹好油， 呢個位真係好少三餸飯可以做到！而且每一個餸份量都超級多，我覺得多到就算同多一個朋友食都夠嗰種！下次如果有機會嘅話都想試埋佢其他肉類，仲見到佢有啲蒸魚可以揀添！
