更多
2019-05-20
1320 瀏覽
尋日去完朋友 bb 既 B-day party, 順便响尖沙咀食個舒適（以為）啲既晚餐，俾自己嗰 2 個小朋友都感受吓唔响茶記食飯既氣氛 ... 點知貼錢買難受，下次食返茶記好過！由個企門口既開始，已經黑面都算啦，唔想影響餐飯既心情。明明有 book 檯，而且仲有大把吉檯（嗰時 18:30），俾張周邊都坐滿哂人既方檯我地，隔離左右都係高談闊論既內地人士 ... 心諗：可能因為帶住 2 個小朋友，你怕我地嘈到入面其他食客 .... 又算！中間落 order 啲小事飛咗唔講，檯面有碟麪包、沙律、幾杯野飲，到上意粉時，其實搬過少少啲野就足足仲可以擺到碟意粉有餘，但個女侍應成碌木企响度，都算！我嗱嗱臨「筆」埋啲沙律清個碟，攞開個碟俾個位佢擺意粉有幾閒！但佢副口面黑到呢！！差少少可以用「仇視」呢個形容詞嚟形容佢嗰時副口面！執個位俾佢擺野係我應份既，ok ~ 食餐家庭飯送黑面無限？我無預過响 Al Molo 會要受呢啲氣囉。真心，我好鍾意食呢間既麪制類出品，但要我用呢個心情食我再鍾意既野食我都背脊骨落 ！！😤
由個企門口既開始，已經黑面都算啦，唔想影響餐飯既心情。明明有 book 檯，而且仲有大把吉檯（嗰時 18:30），俾張周邊都坐滿哂人既方檯我地，隔離左右都係高談闊論既內地人士 ... 心諗：可能因為帶住 2 個小朋友，你怕我地嘈到入面其他食客 .... 又算！
中間落 order 啲小事飛咗唔講，檯面有碟麪包、沙律、幾杯野飲，到上意粉時，其實搬過少少啲野就足足仲可以擺到碟意粉有餘，但個女侍應成碌木企响度，都算！我嗱嗱臨「筆」埋啲沙律清個碟，攞開個碟俾個位佢擺意粉有幾閒！但佢副口面黑到呢！！差少少可以用「仇視」呢個形容詞嚟形容佢嗰時副口面！執個位俾佢擺野係我應份既，ok ~ 食餐家庭飯送黑面無限？我無預過响 Al Molo 會要受呢啲氣囉。
真心，我好鍾意食呢間既麪制類出品，但要我用呢個心情食我再鍾意既野食我都背脊骨落 ！！😤
張貼