境 (已結業)

今日同新同事welcome lunch，咁就選擇咗呢間餐廳啦。就咁望落整體裝修環境都算唔錯既。不過落單嗰陣嗌牛扒冇同到我哋講話冇八折優惠，然後食物出餐時間又等好耐，等咗差唔多半個鐘先有main dish到，仲要塊牛扒同鵝肝煎到燶曬。最嬲係有個侍應嘅講野同服務態度非常之差（戴眼既鏡攣毛，唔講我仲以係佢係老細）事緣係因為我原本book咗三個人，之後有個同事話好似嚟唔到咁就轉返兩個人啦，之後隔咗冇耐個同事又話嚟到就轉返三個人。（總共轉左兩次檯）佢就係因為我地轉黎轉去呢個原因用咗啲好差好西嘅語氣同我哋講咗一大段說話俾番我地聽。另外既侍應就服務黎講都唔錯既。不過都係無下次。