每個月一定會食幾次
今次去呢間御滿屋好出名
我地大約7點去到
已經有好多人等位
不過個場原來好大
所以等左10分鐘左右就已經有位
呢度嘅食物款式非常多
放題紙有成十幾張
剌身非常新鮮
推介甜蝦同北海道帶子
甜蝦好鮮甜彈牙
北海道帶子超大粒 無雪味
炸物好正 有炸一口芝士
脆皮入面包住熱辣辣嘅流心芝士
岩晒芝士控 我食左起碼8粒
仲有超好食嘅燒紐西蘭香草羊鞍
羊鞍醃得十分入味
羊味濃郁 食落有肉汁 肉質好鮮嫩
其他推介嘅仲有蒲燒鰻魚 天婦羅
而呢度嘅壽司全部都細細件 又足料
呢間放題唔錯
地點又方便
地鐵站E出口一出去就見到
價錢合理
有機會會再試
