鋒哥廚房 (已結業)

難得前幾晚天氣凍咗，啱啱好約咗朋友打邊爐。搵咗間幾近嘅火鍋放題，喺元朗劇院斜對面、薩莉亞隔離，輕鐵豐年路站行大概8分鐘就到。叫左個八搭嘅豬骨湯底，湯底濃郁，佢仲有少少嘅黑蒜油味，非常新鮮嘅嘗試同好夾味。飲品櫃都好多款飲品選擇，罐裝啤酒都係任飲嘅選項之一，仲有最大路嘅麥精同維他奶。如果like左佢fb，會送一盤海鮮拼盤♥️♥️蠔超乎想像地鮮甜，蜆每粒都大大粒好飽和，佢仲有鮑魚可以食。另外前菜仲上咗一盤刺身拼盤，全部都幾新鮮，份量好足，咁嘅價錢有刺身拼盤食，好高性價比！普通嘅火鍋配料，基本上都齊全，除此之外仲有熟食。最令人驚喜嘅係有燒乳鴿仔，非常香脆。炒蜆和炒米粉都好入味。牛肉紋路好靚，食落唔韌。而且擺放得好靚，打卡一流。甜品方面有兩種，第一個係自製甜品櫃，第二個就係雪糕櫃。甜品嘅蜜瓜布甸好出色，蜜瓜味超濃郁。最令人驚喜嘅係，竟然有Häagen-Dazs食‼️‼️食返兩個都夠回本啊你間鋪頭除咗火鍋放題，仲有普通晚市菜餸食，選擇好多。而且店員全部都好親切，服務超乎想像地好。餐廳仲有分室內同室外，方便有需要嘅客人。