殿 大喜屋

營業中

休息中

真係好耐冇食過放題，要食既就緊係要食個殿堂級既！刺身拼盤係放題是必須的，除左基本放題應該有既款式之外，呢度既拖羅刺身都係任叫任食，而且質素都唔差架！刺身全部新鮮厚切！另外我最鍾意既緊係海膽手卷任食啦！細細舊飯，海膽份量都多，食多幾件都唔怕！壽司種類都好多，我就鍾意食拖羅蓉小卷，賣相都唔輸蝕，好味！我地仲叫左d燒物！比目魚魚油味香，甜甜地既醬汁好好味呀雞翼燒到個皮少少脆，肉質嫩滑！牛舌同埋鰻魚都係encore 之選！今次見到仲有海燕鮮奶燉木瓜，好滋潤呀！除左QR code落單既食物，出面仲有自助區！有好多甜品、熟食同飲品，真係好多選擇呀！星期一至五全單88折，更加抵食呀