影片
更多
2005-08-03
2 瀏覽
因為食物實在太普通，所以真係冇影相的意欲…最好食係金菇牛柳卷、燒雞翼、魚柳、螺肉小食…其他普通到極的食物包括：蝦餃燒賣、乳豬白切雞、壽司(少款，且表面看來不太新鮮)、生蠔(我極少食自助餐都知呢個應該個個自助餐都有啦？)、車仔麵(如之前的食評所講，用料cheap…牛丸、魚蛋、牛肉、雞肉等等…我叫油麵，淥到林pat pat)、關東煮…冷盤中，有三大舊芝士任你切…我試o左其中兩舊，勁難食…我懷疑係咪俾人食…定係蠟做的model…火腿則鞋口…沙律則很少選擇…甜品櫃又係幾唔掂，個朱古力噴泉八時左右被職員拆了去清潔，但清潔後佢噴兩下朱古力後便塞o左…=.=佢又拆o左去，後來成個噴泉唔見o左…=.=之後到個軟雪糕機壞o左…=.=聽到有小朋友話「又冇朱古力，又冇雪糕，咁我食乜？」我都想安慰佢：「仲有蛋糕嘛~」但意想不到，連Tiramisu都好難食，一陣怪味…另外試o左一件oreo cheese cake，幾好食~生果有西瓜、哈蜜瓜、菠蘿，前兩款我有食，好食。就食物來說，女朋友話款式算多(以自助餐計)，但本人對食幾講究，覺得質素夠的食物不多，所以我覺得款式不算多~$273 +1 如果你覺得唔係貴的話，咪
最好食係金菇牛柳卷、燒雞翼、魚柳、螺肉小食…
其他普通到極的食物包括：蝦餃燒賣、乳豬白切雞、壽司(少款，且表面看來不太新鮮)、生蠔(我極少食自助餐都知呢個應該個個自助餐都有啦？)、車仔麵(如之前的食評所講，用料cheap…牛丸、魚蛋、牛肉、雞肉等等…我叫油麵，淥到林pat pat)、關東煮…
冷盤中，有三大舊芝士任你切…我試o左其中兩舊，勁難食…我懷疑係咪俾人食…定係蠟做的model…火腿則鞋口…沙律則很少選擇…
甜品櫃又係幾唔掂，個朱古力噴泉八時左右被職員拆了去清潔，但清潔後佢噴兩下朱古力後便塞o左…=.=
佢又拆o左去，後來成個噴泉唔見o左…=.=
之後到個軟雪糕機壞o左…=.=
聽到有小朋友話「又冇朱古力，又冇雪糕，咁我食乜？」
我都想安慰佢：「仲有蛋糕嘛~」
但意想不到，連Tiramisu都好難食，一陣怪味…
另外試o左一件oreo cheese cake，幾好食~
生果有西瓜、哈蜜瓜、菠蘿，前兩款我有食，好食。
就食物來說，女朋友話款式算多(以自助餐計)，但本人對食幾講究，覺得質素夠的食物不多，所以我覺得款式不算多~
$273 +1 如果你覺得唔係貴的話，咪當可以在一個地方，食到好多款食物囉~ 但貴價o野可講係欠奉~
衛生方面，員工有戴膠手套，看似衛生，實則最污糟便是這些膠手套！冇見員工換過膠手套！
我見那些員工直接透過膠手套接觸食物，但跟著便接觸其他煮食工具…
Haagen Dazs雪糕是員工將一個個雪糕球分別放在一隻隻小碟上，再移往小型雪糕櫃，供顧客拿取。但由於顧客拿取雪糕時，雪櫃門不斷開關，雪櫃內一定有「倒寒水」，直接滴在雪糕上，不衛生。
大部份食物都是用有蓋容器盛載，但不知為何有小部份食物則是完全外露於空氣中！而近門口的蛋糕也是。
服務分面，員工全部沒有笑容，唔出聲，女朋友拿取雪糕時，問侍應有冇忙果味，答：「冇喎」
唔係話佢o地冇禮貌，只係佢o地做到o既o野太基本囉~
食物質素、服務不值這個價錢，唔會再去。
唔知點解六個人食，只是收了五個人錢(連加一)，難道是他們自己都知唔值咁貴？冇見佢門口寫五位送一位喎…
張貼