餃子園

營業中

休息中

大少同我都鍾意食餃子，一入到去坐低，我哋個Menu只係專注響餃子。大少叫咗芹菜餃子麵，我就叫咗白菜淨餃子。我見大少碗麵都幾大碗，水餃有五隻。我個淨白菜餃就有10隻餃子。味道冇乜好食唔好食，我只係覺得個水餃皮過分地厚。雖然我嗰個叫做白菜餃，但係裏面應該用咗椰菜，唔係白菜。我孤陋寡聞，唔知係咪北方人同南方人，統稱椰菜嘅分別。後記兩則：1. 衛生環境麻麻，啲筷子笠切切，就算攞熱水洗完都係笠嘅。大少形容為，好似比好多人食完，冇洗過，風乾咗咁樣。2. 呢間鋪頭，冇茶水供應。如果你要洗筷子碗，你要用$3買一杯熱茶先可以洗到。正如頭先所講，啲筷子笠切切，真係唔洗唔得。