豪大大雞排 (竹園廣場)

營業中

休息中

疫情下知道餐廳食肆都好難捱，無左晚市堂食，加上有時又懶得煮嘢食，就去屋企樓下睇下有乜買所屋企食，係到買一份香香雞同其他小食返屋企當小食，呢到買嘢係唔會比單/飛你，個男人(唔知係咪老細)會靠佢記憶去比食物比客，唔知老細係咪忘記左我定點，我企係等左10分鐘，佢突然好似醒覺原來係我買左食物，係背脊後面拎袋食物出嚟比我，到拎食物個陣佢再問我係咪半份香香雞加乜乜乜小食，我話: 係一份香香雞⋯⋯ 佢就好大聲鬧返我轉頭，仲反問我係咪收左我咁多錢，叫我自己計下！ 咁我要一份你聽錯半份，咁你收半份錢緊係岩㗎！由於我唔係淨係買一樣嘢，正常你講幾多錢我咪比幾多錢，入面個女人仲要係到笑🙄真係吹到啤一聲⋯⋯好啦，拎到返屋企諗住有得食，d 嘢食係凍嘅！要辣又無落辣，唔怪之得平時行過都無乜客，真係抵你無生意，永不再幫襯，食物味道絕對無出面其他豪大大分店咁好食！真係嬲！食到一肚氣，比錢買難受！