影片
更多
2015-01-14
4913 瀏覽
第一次寫食評，因為今晚剛剛食完，要將不滿宣洩。朋友6:20pm到了，人齊方可入坐，結果6:35pm人到齊哂，嗰時冇人等位，順利入坐。侍應說限時個半鐘（90分鐘）。我們3地女仔，叫了牛/豬拼2人餐，$548，餐有霜降牛肉，護心肉，肉排，大蝦2隻，香腸，雞脾菇，金菇，燒牛壽司，有2杯飲品及甜品，另加了一份春川烤雞及一杯飲品。個 set 黎到，三層碟上，侍應就咁掉低就算，完全冇介紹下咩肉打咩肉！喂大佬，豬肉同牛肉食既生熟度唔同，你 d 肉全部啡紅色，除左霜降牛睇得出外，其他真係搞唔清楚！希望如果食左較生既豬肉既話，今晚唔好肚痛！d 肉全部質素同味道都好一般，唔覺得特別好食，每種3-4塊到。個春川烤雞非常麻麻，2隻雞翼同一件大雞扒，咁就$125，呢個價錢真係貴得離譜！中間燒烤既過程，爐上既網燒焦左，有男侍應主動幫忙更換，係讚的。但食至大約 40分鐘，仲有食物燒緊，就有個年青女侍應走來問要唔要甜品（態度並不殷勤），我話我地個套餐有包括甜品既，佢說要去 check。轉過頭再來話甜品係紅豆豆粉刨冰，要唔要加12蚊換xxxx （我聽唔到佢講咩！）我話我地要最基本既就夠。隔左一陣，爐依然在燒，喺我地冇要
朋友6:20pm到了，人齊方可入坐，結果6:35pm人到齊哂，嗰時冇人等位，順利入坐。侍應說限時個半鐘（90分鐘）。
我們3地女仔，叫了牛/豬拼2人餐，$548，餐有霜降牛肉，護心肉，肉排，大蝦2隻，香腸，雞脾菇，金菇，燒牛壽司，有2杯飲品及甜品，另加了一份春川烤雞及一杯飲品。
個 set 黎到，三層碟上，侍應就咁掉低就算，完全冇介紹下咩肉打咩肉！喂大佬，豬肉同牛肉食既生熟度唔同，你 d 肉全部啡紅色，除左霜降牛睇得出外，其他真係搞唔清楚！希望如果食左較生既豬肉既話，今晚唔好肚痛！d 肉全部質素同味道都好一般，唔覺得特別好食，每種3-4塊到。個春川烤雞非常麻麻，2隻雞翼同一件大雞扒，咁就$125，呢個價錢真係貴得離譜！
中間燒烤既過程，爐上既網燒焦左，有男侍應主動幫忙更換，係讚的。
但食至大約 40分鐘，仲有食物燒緊，就有個年青女侍應走來問要唔要甜品（態度並不殷勤），我話我地個套餐有包括甜品既，佢說要去 check。轉過頭再來話甜品係紅豆豆粉刨冰，要唔要加12蚊換xxxx （我聽唔到佢講咩！）我話我地要最基本既就夠。
隔左一陣，爐依然在燒，喺我地冇要求下，另一男侍應就將刨冰攞過來，個爐仲熱的，好快整溶了甜品！這招也太趕客了！
最差既係，我地只食左50分鐘，d肉都仲燒緊， 之前嗰個女待應 就攞張單黎叫我地埋單，我同佢講我地仲未夠鐘，她只沒頭沒尾拋下一句，入座時已講左限時1.5個鐘。小姐，離1.5個鐘仲有40分鐘喎，我都知人多，但叫人埋單叫得咁冇禮貌，真係加一服務費都唔想俾。
埋單3個人食左$771，請埋生日嗰個，每人$385，唔知食左 d 乜，又唔飽，又唔平，又冇服務質素！8點鐘離開時見到條人龍由2樓排到地下，都唔知呢間野有咩吸引力，食過一次就夠，呢世都唔會再食過！！
張貼
