大滿喜日本料理 (已結業)

放題雖然成日食 但質數好參次。今次食到呢間食物質素高之餘，款式仲要好多既大滿喜，所以一定要寫個食評讚下佢！一入門口就見到自助小食區，食物款式多，而且特別。好似呢個芝士玉子燒，味道同日本食到既差唔多！！玉子身夠滑，蛋味重，同中間既芝士夾心一絕。蛋卷仲係暖笠笠，芝士咬落去仲會流出黎，真係好香好好味！葡撻，雞槌，春卷，餃子等炸物，唔油膩，好香口。最開心見到呢個中湯～～花生眉豆雞腳。無味精味，聞得出係老火湯，而且夠熱，正。必點清新炒雜菜煎釀豆腐，加左甜醬，特別有街頭風味。湯烏冬，煙韌彈牙。生蝦刺身幾甜，肉夠實，無雪藏味。顏色又靚，一定係新鮮貨。炸雞軟骨，食到淮鹽味，更香脆可口。燒菠蘿，原汁原味，又甜又多汁！大愛～～～～放題既好處，除左非常飽肚，有限價錢可以吃個夠外；最開心係可以係一個晚上試盡多款式美食！中，西，日，泰，甜品等等。偶然放任食一番 心情都輕鬆d 哈。