餐廳地方好大，環境都唔錯，有好多座位，幾多人嚟食都冇問題。
放題梗係要食刺身，我哋叫咗甜蝦、北海道帶子、挪威三文魚，全部都新鮮，鮮甜。
我比較鍾意食海鮮，叫咗陳皮蒸鮑魚、燒蠔等，鮑魚彈牙，又有陳皮味。個燒蠔都好有蒜香味，味道幾好。
我囡鍾意食燒物同天婦羅，佢叫左燒牛舌，牛舌燒得好香，好有咬口。佢最鐘意食燒乳鴿，佢話燒得好香，好味，食左2隻。
我老公就鍾意食榴槤，佢叫左馬來西亞榴槤，佢話味道好濃郁，仲叫埋榴槤千層蛋糕，食到好滿足。
食到飽飽後，當然都要留肚食甜品同雪糕，甜品選擇都多，有馬卡龍、各式布甸，雪糕有Häagen-Dazs、我囡最鍾意既香蕉雪糕。
呢間御滿屋食物新鮮，選擇多，佢出面仲有好多熟食、炸物、沙律菜、海鮮等，好多嘢食。
