大同韓燒 (已結業)

天氣又轉涼，外出搵食當然要配合天氣，火鍋食得太多了，今次試韓國燒烤，揀左大角咀大同韓燒一坐低，很好奇點解會有張紙喺爐上邊，原來是吸油紙 ，起初有點唔習慣，但用落又幾好，爐面無咁易燶，而且店員隔一陣就主動幫我地換紙，方便過換鐵板好多自助形式，食物款式頗多，牛，豬，雞樣樣齊全，樣樣都很新鮮，絕讚是豬扒，燒起完全唔硬，很鬆軟，雞翼中間劏開左，燒起上黎易熟又惹味。有有多款熟食，十多款韓式配菜，款款我地都中意食，好難選擇唯有每樣攞少少喇仲有各類蔬菜，小扇貝，大青口，青口超級大隻，而且燒起上黎很多汁，汁混和青口，鮮味得黎又唔韌，我地每人食左五隻三文魚刺身無間斷供應，仲有各式壽司兩款熱食和湯飲品櫃多款，有多款紙包飲品，百事，7up,任攞，點都好過出邊多數是自制酸梅湯，粒粒菠蘿汁有果肉，正飯後甜品是雪糕，有多款味道可選擇，有我最愛芝麻味，幾大食多兩杯生果有菠蘿和西瓜不斷供應，食左咁多肉，食番夠本消一消滯。。埋單總數， 每位只是$159再加一，雖然位處舊區，但食物選擇多而質素不差，而且服務員很勤快，不停穿梭座位幫客人換碟換爐紙，一定會再幫襯。