花居酒屋 (已結業)

話曬疫症到而家都有幾個月冇同老公出去撐枱腳，好掛住日本嘅魚生！近近哋揀咗喺荃灣新開嘅花居酒屋試一試！我哋兩個都有選擇困難症，好難先揀到自己鍾意食嘅嘢。好彩餐廳好體貼有一個花之二人前嘅套餐畀我哋選擇，價錢只係HKD588，入面仲有6款美食包括：沙律，燒物，刺身，鍋物，吸物同甜品沙律方面有三款選擇，包括胡麻豆腐沙律，和風辛辣蕃茄沙律，同埋黑松露魚生沙律，我哋揀咗黑松露魚生沙律! 魚生沙律十分新鮮再加埋獨有嘅醬汁，令到魚生同埋沙律菜嘅鮮味出哂黎！加上黑松露嘅味道，令所有鮮味都夾，令人回味！刺身拼盤都十分新鮮，加上底下會有碎冰，令魚生保持溫度。師傅仲好有心機幫成個菜式打扮添！燒物方面有三種燒物，包括豚肉串，雞翼串同埋大蔥串！師傅將肉類嘅烹調時間控制得十分準！唔會太生亦唔會太熟。鍋物有鹿兒島和牛鍋，配有手打烏冬添！餐廳好細心！怕客人會浪費咗新鮮嘅和牛，師傅除咗幫我哋將配料放入鍋入面，亦都會細心地將和牛整熟，入口即溶嘅感覺好回味❤️ 仲配咗日本蛋畀我哋食物沾上，令到無論蔬菜～和牛～手打烏冬都特別香滑，值得畀個讚👍🏻最後甜品有一個炸年糕配紅豆及精心炮製嘅蒟蒻，令到成個晚餐都變得更加完美😍環境方面，老闆