Terrace in seaside (形點 I)

平時對橙既嘢麻麻，對橙色亦麻麻，但一見到呢間嘢喺yoho新開，唔知點解就好有興趣想試，終於有隻啱既腳，出動👊🏻

中午1點，一去到，一條長長既隊，仲以為多人食到咁排法，正諗放唔放棄食第二間好，就發現原來撞正店舖元宵活動開始，免費派嘢飲！話晒仲係新正頭，咁好運，唔係唔領下嘛😂拎完飛就排隊拎飲品，入座先定有得飲先，估唔到係入座先。

同朋友都喜出望外，無諗過咁好飲的

$68

呢杯就係活動免費既飲品，menu睇成68蚊杯，值唔值就見仁見智。我就選擇一試難忘，再試孤寒🤑😂

另外一坐低有碟薯仔沙律前菜幾好食，3個人2小碟有啲唔夠喉，不過送既就多謝一句啦~

橘子汁好同炸雞好夾，估唔到唔係專食韓國炸雞既地方，炸雞做到如此香脆嫩滑

$108

好多正宗既韓國飯卷，好多時都會好多麻油，以做到“香”既效果，不過呢個飯卷既優勝之處，係飯少料多油不過盛，啱晒女仕食😁

$75

比預期中好食，而且份量都比預想多，足夠一個男仕飽肚

$158

其實全段食飯時間，同行朋友Y都一直不滿店員既態度同說話語氣（尤其門口帶位既男店員），但我同朋友T就無在意，仲以為係朋友Y挑剔，但正如其他食評所指既服務情況同人物，同朋友Y所不滿既情況都好相近，回想當午店員既語氣的確麻麻，只係同朋友T心情好，所以無在意🤷‍♀️

Menu仲有想食既嘢，所以仲有機會會去既……應該……😅 如果下次再去，或者試下第二間分店吧，真係服務差，就獎返個劣評俾佢吧😗