影片
更多
2020-12-14
158 瀏覽
到底差到咩地步，先會令你行出門口就即刻要打食評？ 答案係極之極之差差差！下午茶時段第二份半價優惠，一坐底，男服務員就推介炸魚薯條係佢哋最多人叫，如是者我哋都叫一份，但失望既係，炸漿唔脆，魚柳無味道，而且好大陣雪藏味，同個中年短頭髮女服務員反映，佢輕輕帶一句（同廚房反映返）之後不了了之！之後到呢個卡邦尼，食落口feel 到啲意大利麵有啲係凍既，再次同個中年短頭髮女服務員反映，佢都係答我同廚房反映，我反問佢（你會點樣反映？因為頭先魚柳既問題我見你都係不了了之，唔會係因為做第二份半價就咁那西煮啊ma? ) ，然後佢就話佢唔係負責人 ，佢又話負責人開會🤔 我見佢懶理嘅態度，就即刻諗起咁樣落去會有第二啲客人中伏，佢話而家廚房大佬都可以話到事，會同廚房大佬講，但因為啱啱佢處理魚柳既問題俾我感覺係聽完就算，我問佢幾時反映，佢黑面咁同我講（咁我依家入去講囉），之後就衝左入去，正因為佢地廚房門係有條「那」，加上出餐位置都望到小小入面，我聽到個中年短頭髮女服務員好大聲回應個廚房職員（我同佢講x左啦） ，我相信佢口中所講既佢係指我！而佢由廚房行出黎，黑口黑面行去第2到，完全唔想為客人解決問題！之後到埋單，我
下午茶時段第二份半價優惠，一坐底，男服務員就推介炸魚薯條係佢哋最多人叫，如是者我哋都叫一份，但失望既係，炸漿唔脆，魚柳無味道，而且好大陣雪藏味，同個中年短頭髮女服務員反映，佢輕輕帶一句（同廚房反映返）之後不了了之！
之後到呢個卡邦尼，食落口feel 到啲意大利麵有啲係凍既，再次同個中年短頭髮女服務員反映，佢都係答我同廚房反映，我反問佢（你會點樣反映？因為頭先魚柳既問題我見你都係不了了之，唔會係因為做第二份半價就咁那西煮啊ma? ) ，然後佢就話佢唔係負責人 ，佢又話負責人開會🤔 我見佢懶理嘅態度，就即刻諗起咁樣落去會有第二啲客人中伏，佢話而家廚房大佬都可以話到事，會同廚房大佬講，但因為啱啱佢處理魚柳既問題俾我感覺係聽完就算，我問佢幾時反映，佢黑面咁同我講（咁我依家入去講囉），之後就衝左入去，正因為佢地廚房門係有條「那」，加上出餐位置都望到小小入面，我聽到個中年短頭髮女服務員好大聲回應個廚房職員（我同佢講x左啦） ，我相信佢口中所講既佢係指我！而佢由廚房行出黎，黑口黑面行去第2到，完全唔想為客人解決問題！之後到埋單，我行出門口櫃位，佢碌完我張卡，就咁放返係枱面，完全係無諗著遞返比我，此中年短頭髮女服務員簡直不知所謂，態度差過茶餐廳！本人因為你，第一次嬲到要打食評！勸各食客，到此餐廳食飯，要諗清楚，否則比錢買難受！
張貼
