韓國錦城飯店 (已搬遷) 新店位置

27/7/08星期五同一班朋友慶祝我和另一位朋友的生日，基於就腳既關係，我地揀左尖沙咀既韓國錦城料理慶祝食飯，其實我之前已經來過一次，食物真係唔錯，尤其佢個海鮮餅同埋佢既燒牛肋骨。不過態度方面就麻麻，但係基於佢既食物好味，就再去多次食啦。我地total有11個人，訂左間房，因為要等埋其他人到齊先叫，個亞姐就唔係咁滿意既樣，話我地訂左7點，你地d朋友做咩遲到(不過我地都唔係真係好遲先落order)，其實佢咁講真係好唔掂，佢好想我地快d叫,快d食,就快d走。當我地第二round 再order食物既時候，佢又好不滿既樣出晒黎，好似睇韓劇d人做戲咁，嘴咪咪，真係好難頂，唔通order食物，只可以叫一次？原先開心既心情都俾佢搞到冇晒。之後切蛋糕又唔俾叉我地，問佢拿,佢又再俾面色我地睇，其實佢做得咁唔開心,不如唔好做啦 . . . . . 我建議如果一大班人想o係呢間餐廳慶祝既話，真係要考慮考慮啦p.s. 上次睇食評既人講呢度d亞姐態度差，而家自己經歷過就真係明白晒啦，不過對於話d亞姐餵男人食野，我就見唔到，究竟係咪真o架