食驗室 (譚臣道) (已結業)

收工經過修頓附近，見到有呢間實驗室🤣入黎試下係咪會食到變肥仔「F.A.T.」 餐廳是以外賣店為主，揀緊野食時已經不停見到外賣專員出出入入。餐牌都好多選擇，由日到韓，由丼飯、Burger、Wrap、再到韓式小食，望到餐牌都好想食。價錢唔貴，幾抵食🌱黑松露什菌雞扒扁意粉超驚喜之作！估唔到大大份粗身扁意粉，意粉煮得剛好有咬口。但就超重手嘅黑松露醬、芝士同埋什菌。黑松露醬滿滿包圍晒意粉，加埋滑雞件，真係好高質😋🌱幸福親子丼親子丼雞肉正常日式全家雞丼，雞肉都算滑，滑蛋拼熟蛋，而蛋是比較甜的，再配上薑蔥作調味，非常有日式味道，都幾好食🌱熱帶泰捲 又抵驚喜！ 新鮮熱辣辣烤餅，餅皮烤得非常香脆，入面有芝士、蔥，大量肉碎，肉碎帶點微辣，非常惹味🌱醬煮蓮藕期間買一送一優優，個醬甜甜地連埋蓮藕一齊炆煮，醬汁入晒蓮藕，唔錯～