SAMA Curry & Cafe (已結業)

我哋坐低咗落單時由一位男職員負責，當其中一位朋友問吓關於食物嘅問題時，嗰位男職員以好唔耐煩嘅語氣回應。落完單過咗一陣之後，嗰位男職員將其中一張落單紙”pac”喺我面前然後話「無羊」就走咗去(因為有朋友叫咗一款係羊嘅主菜)，一句唔好意思都無！食物嚟到係好食，但已經令人食得唔開心。最後比錢時又係黑口黑面，一句多謝都無。個男職員全程(起碼我在場嘅成餐飯)黑面好似全世界欠咗佢咁，其實我都唔係要求笑容滿面，但佢咁辛苦又搞到食客辛苦何必呢？公平啲講返句另外有位女職員係好正常嘅，亦都好幫到手。