好日子 (已結業)

食到一肚氣!事緣每星期日成家人都去屯門市中心飲茶, 最初試呢間好日子, 見佢門面幾靚, d人既服務唔太差, 雖然點心都係一般, 但都偶有佳作。 唔知呢個老闆係咪諗住打响左名堂，小女子就覺得食物同服務水準開始下降...今日仲食到一肚氣, 有"小昆蟲"不特止，叫人沖茶冇人理，臨走時仲比個待應踩左一腳應既，冇道歉，同d經理理論就叫我地算啦，最後仲叫我地一係報警啦(言下之意, 就係叫我地收聲).....唉..差到咁我真係第一次見, 當時成場食客都聽到! 我只能夠話，呢間酒家試唔試都罷，可能有食客唔同意，不過我就一定唔會再幫襯佢囉!