一起果醬 (已結業)

難得放假就打算搵間餐廳靜靜地嘆茶傾吓計，等自己可以relax吓，呢間餐廳裝修唔錯，有田園色彩而且好光猛。見到門口有display到手工果醬，樽樽都唔同顏色又幾靚，所以就叫左個喺menu上面有推介嘅果醬九宮格多士，試下手工製同平時supermarket買嘅有咩唔同啦。不過塊多士出現時我都皺一皺眉打個突，真係就咁一塊麵包上面加啲果醬就收$48?? 仲要加10%喎….加一後$50幾蚊塊多士如果係好食嘅都無所謂，不過啲果醬實在係太甜，就算餐廳係想sell手工果醬都唔駛咁重手加咁多果醬喺果一細格麵包到嫁?? 果醬除左甜之外，就係好甜…其實整咁多隻味出黎可能係為gimmick，因為食落根本分唔到咩味打咩味，比較認到嘅就係芒果同士多啤梨…其餘果啲味道真係太複雜混亂…另外我都同意另一篇食評講話呢到嘅飲筒問題，支紙飲筒浸耐咗係有啲顏色紙碎甩甩地…感覺有啲核突…而且女侍應冇咩笑容…希望餐廳可以留意同改善番~