影片
更多
2010-06-18
130 瀏覽
我地一行九個人去食(18:30-21:30)，我地早左少少入去，人唔係太多，坐左去串燒台對面。一開始去攞冷盤，攞左兩次生蠔，頭果次好好味，好甜好新鮮，但第二次有殼有沙唔新鮮長腳蟹：size好短，無食到，朋友話一d味都無青口都係無味…螺有沙魚生：未溶哂冰，仲有少少雪水味熱盤吸引唔到我，一啖都無食過。最好食係串燒既雞翼同雞軟骨，加埋沙爹汁，哇～超好味！我仲食左好幾次呢！！甜品好多款都係超一般水準，無乜特別，但有幾款可以話係「超」難食。有小樽裝汽水：芬達、可樂(原味、light、zero)雪碧等果汁：蘋果汁、橙汁、西柚汁都食完一整餐，當中有40%都係唔好食，但Service一流，收盤好快，有問必答。有件事一定要講：大家唔好以為比左錢就大哂，麻煩顧下其他客人既感受，注意一下秩序，果日我同朋友排隊攞刺身時，前面有個中年既阿叔同成班家人圍住刺身櫃，平時大家都係一夾完，將隻夾放回原位後，行開，佢地果班人，夾完將隻夾遞比佢其他家人，開頭諗住都係前面果班人姐，無野既，點知佢地越黎越多人，十幾個人係度輪兩隻夾囉！我同朋友決定放棄，之後又見到果班人好似螞蟻見到蜜糖咁，圍住係冷盤架度！使唔使呀？前世未食過野呀
一開始去攞冷盤，攞左兩次生蠔，頭果次好好味，好甜好新鮮，但第二次有殼有沙唔新鮮
長腳蟹：size好短，無食到，朋友話一d味都無
青口都係無味…螺有沙
魚生：未溶哂冰，仲有少少雪水味
熱盤吸引唔到我，一啖都無食過。
最好食係串燒既雞翼同雞軟骨，加埋沙爹汁，哇～超好味！我仲食左好幾次呢！！
甜品好多款都係超一般水準，無乜特別，但有幾款可以話係「超」難食。
有小樽裝汽水：芬達、可樂(原味、light、zero)雪碧等
果汁：蘋果汁、橙汁、西柚汁都
食完一整餐，當中有40%都係唔好食，但Service一流，收盤好快，有問必答。
有件事一定要講：大家唔好以為比左錢就大哂，麻煩顧下其他客人既感受，注意一下秩序，果日我同朋友排隊攞刺身時，前面有個中年既阿叔同成班家人圍住刺身櫃，平時大家都係一夾完，將隻夾放回原位後，行開，佢地果班人，夾完將隻夾遞比佢其他家人，開頭諗住都係前面果班人姐，無野既，點知佢地越黎越多人，十幾個人係度輪兩隻夾囉！我同朋友決定放棄，之後又見到果班人好似螞蟻見到蜜糖咁，圍住係冷盤架度！使唔使呀？前世未食過野呀？
張貼