影片
更多
2009-12-20
33 瀏覽
今晚四圍兜搵食, 個個停車場都full晒, 最後泊架車喺如心廣場, 同老婆去左荃新天地搵食. 由於今晚想食中菜, 見到北京人家既裝修都唔錯, 外面好似好高檔咁, 一於就試下啦.我地先點左三個餸, 包括蔥油蠔仔、北京人家炒拉麵、咕嚕肉. 不過waitress轉頭話我地知蔥油蠔仔賣晒, 無相干啦, 我地叫佢俾餐牌再揀其他餸. 果個waitress行左去好耐無左影, 當我再見佢出現, 我招手示意餐牌, 佢先叫第二個waitress攞餐牌俾我地. 嘩! 有冇搞錯, 咩服務態度呀, 第一個唔得! D野食黎喇, 講下D野食. 北京人家炒拉麵, 果名咁招牌, 以為係咩好野, 原來係韭黃肉絲炒拉麵, 非常油, 味道單薄唔好味, 第二個唔得! 再黎咕嚕肉, 外面唔脆, 芡汁太厚, 第三個唔得! 之後我地睇左餐牌, 決定再叫野食, 於是招手叫waitress黎寫餸. 有個短髮、戴眼鏡、高高瘦瘦既waitress望到我, 不過佢冇反應, 然後垂低頭繼續行, 我都唔知佢見唔見到我. 於是我再舉手, 佢再次望到我, 不過一樣係冇反應, 冇話向我點頭或示意黎緊之類, 不過我見佢向我既方向行緊, 所以就放低手,
我地先點左三個餸, 包括蔥油蠔仔、北京人家炒拉麵、咕嚕肉. 不過waitress轉頭話我地知蔥油蠔仔賣晒, 無相干啦, 我地叫佢俾餐牌再揀其他餸. 果個waitress行左去好耐無左影, 當我再見佢出現, 我招手示意餐牌, 佢先叫第二個waitress攞餐牌俾我地. 嘩! 有冇搞錯, 咩服務態度呀, 第一個唔得!
D野食黎喇, 講下D野食. 北京人家炒拉麵, 果名咁招牌, 以為係咩好野, 原來係韭黃肉絲炒拉麵, 非常油, 味道單薄唔好味, 第二個唔得! 再黎咕嚕肉, 外面唔脆, 芡汁太厚, 第三個唔得!
之後我地睇左餐牌, 決定再叫野食, 於是招手叫waitress黎寫餸. 有個短髮、戴眼鏡、高高瘦瘦既waitress望到我, 不過佢冇反應, 然後垂低頭繼續行, 我都唔知佢見唔見到我. 於是我再舉手, 佢再次望到我, 不過一樣係冇反應, 冇話向我點頭或示意黎緊之類, 不過我見佢向我既方向行緊, 所以就放低手, 佢最後亦都黎左. 真係咁既服務態度, 點掂呀! 跟住我同佢講加order, 要鍋貼同埋小籠包, 佢突然皺一皺眉, 帶點疑惑咁重復我既說話「鍋貼同埋小籠包?」, 我果刻心諗:「咦? 我講錯左野呀?」不過佢就落左單, 粒聲唔出拎埋D餐牌就走, 多謝又冇聲. 真係唔掂喎, 客人落單個waitress皺眉, 發生左咩事? 服務態度又差, 第四個唔得!
又講下鍋貼同埋小籠包, 鍋貼又係好油, 鍋貼皮D坑紋居然藏住油. 小籠包中規中距, 意思只係可以接受, 唔係好食. 第五個唔得!
一路以黎寫咁多篇食評, 我都係讚多過彈, 不過呢間北京人家真係好唔掂, 唔會再去, 老婆話出面冇野食, 寧願返屋企叫麥叔叔既外賣都好過佢. 佢又講得岩, 麥叔叔既外賣速遞員既服務態度比佢仲要好, D薯條都冇佢D餸咁油, 你話係咪慘情! 仲要二百幾蚊, 唔值!
張貼
