炑八韓烤 (已結業)

啲嘢食算係唔錯，唯獨是服務態度方面有問題。 個男侍應 應該係比較大粒野啲嘅 一開始入去佢已經黑口黑面，扮睇唔到。收銀個女人都係咁黑口黑面！ 唯獨是有個女侍應就好好多，笑容滿面咁招呼我同朋友入去。本身俾左個比較狹窄嘅位置，但係個女侍應一望到我大肚就即刻講：「咦 原來你大緊肚 唔好意思幫你換過第二個位啦，呢個位行出行入對你黎講有啲危險架！」仲不斷提我小心啲慢慢行，態度非常好~ 跟住落單，咁啱係一開頭黑口黑面嗰個男侍應，我落落下單行左去，我就開始少少火滾，仍然用平常嘅語氣同佢講其實我未落完單可唔可以唔好冇啦啦行開。佢就開始用啲好悔氣嘅態度同我講野，算，我都忍。啲眼神仲要眼超超整埋個臭串樣出黎想點？最後只可以話呢間分店已經係我心目中永遠blacklist! 所以服務嘅一分只係俾帶位嘅女侍應!