影片
更多
2009-04-20
39 瀏覽
平日夜晚，九龍塘又一城係一個聚舊嘅好地方，因佢係位處我地幾個舊同學工作嘅中間點，非常方便。見PizzaExpress四月頭進駐入又一城，今次時間啱啱好，因為佢地已經run咗好幾個星期，以為萬無一失。星期五一朝早打去，訂枱順利。我地三個亦準時去到。正當大家見面之際，我地即刻第一件唔係討論吓menu先，而係進行服務大清算，原來大家早幾分鐘入門口所經歷嘅事大致相同。入門口當然會有waitress問你幾多位，我地好自然答佢訂咗枱，咁我亦好清楚講出訂枱的詳細資料，點知佢搵唔到，跟住問我用咩電話號碼訂，又係搵唔到，搵咗半分鐘，終於知道，但最屎一點係，佢竟然說："(指住我啲朋友)你啲朋友咪喺嗰邊啦"，不但唔帶位，仲好似覺得我唔係應該睇到我啲朋友已經到咗咁咩，真係吹到啤一聲。呢間嘅做法比較地道，唔係淨得a la carte，佢地提供2, 4 or 6人套餐，我地選擇咗佢嘅Family Feast天倫樂(for 4人用)，另再加一個starter。而且幾個餐入面嘅每一項目(例如：沙律，Pasta and Pizza)，都可以隨意由餐牌入面所選擇，極之有彈性，呢點我係非常欣賞嘅。我地諗住落order，我地
星期五一朝早打去，訂枱順利。我地三個亦準時去到。正當大家見面之際，我地即刻第一件唔係討論吓menu先，而係進行服務大清算，原來大家早幾分鐘入門口所經歷嘅事大致相同。入門口當然會有waitress問你幾多位，我地好自然答佢訂咗枱，咁我亦好清楚講出訂枱的詳細資料，點知佢搵唔到，跟住問我用咩電話號碼訂，又係搵唔到，搵咗半分鐘，終於知道，但最屎一點係，佢竟然說："(指住我啲朋友)你啲朋友咪喺嗰邊啦"，不但唔帶位，仲好似覺得我唔係應該睇到我啲朋友已經到咗咁咩，真係吹到啤一聲。
呢間嘅做法比較地道，唔係淨得a la carte，佢地提供2, 4 or 6人套餐，我地選擇咗佢嘅Family Feast天倫樂(for 4人用)，另再加一個starter。而且幾個餐入面嘅每一項目(例如：沙律，Pasta and Pizza)，都可以隨意由餐牌入面所選擇，極之有彈性，呢點我係非常欣賞嘅。
我地諗住落order，我地打算佢嘅地嘅set(Family Feast)，再另加一個starter。我首先叫咗個starter先，但係好似打亂咗待應姐姐嘅腦筋咁，佢叫我點咗個set嘅菜式先，佢地似係一啲freelance性質未經訓練嘅待應咁。
擺碟真係出奇，訂枱時明明係三位，成日當咗我地係四位，餐具永遠要擺多一份，叫極都唔收。
上菜時間非常有問題，唔知佢係咪趕住翻枱嘅關係，連第一道菜都未食完，已經上埋其餘四道菜。
講返食物方面：
1. Lemon Iced Tea - 我地將汽水轉做凍檸茶，因為我地全部要檸茶，唔知係咪呢個關係，佢地比咗個類似中國茶樓飲茶嘅茶壺嚟裝糖漿，雖然同餐廳格調有啲不協調，但係就非常可愛。茶味欠奉，不過係unlimited refill，而且待應會自動自覺為你添飲，算做抵飲嘅。
2. Baked Mushroom 焗磨菇 - 第一款係舖上mozzarella cheese喺面嘅磨菇，另一款係釀入白汁、香草汁嘅磨菇，兩種同樣惹味，伴以焗麵包球，一個輕怡的頭盤。
3. Garlic Bread 蒜茸包 - set入面仲有焗麵包球嘅選擇，但係因為之前我地自己叫嘅starter入面已經包埋，所以我地叫咗個大家都未試過嘅蒜茸飽，其實呢個包毫無特色，亦唔見得好味，包做得唔脆的，蒜茸味又唔強，如果可以，我情願揀返麵包球。
4. Salade Nicoise "PizzaExpress" 尼斯沙律 - 配料非常豐富，有吞拿魚、雞蛋、銀魚柳、酸豆、薯仔、火箭菜、olive，配咗一種佢地自製嘅沙律醬。有段小插曲：落胡椒粉亦有問題，待應先生竟然轉動磨胡椒工具半個圈就收手，又唔問我地夠唔夠，之後人影都唔見埋。
5. Spaghetti al Frutti di Mare 大蝦海鮮意粉 - 意粉用嘅粗幼適中，但煮得唔特別煙韌彈口，茄汁味亦唔鮮唔濃，非常淡味，淨啲感覺唔到茄味的存在，配料選多種類，但質素只是一般，最靚嘅算係虎蝦，好爽好彈口。
6. Tartufo "Roman" Pizza 松露火腿薄餅 - 全晚唯一覺得值回票價之菜式，松露汁、野菌、火腿、茄子、Parmasan cheese、松露，芝士味濃，這是每一個Pizza好味嘅完素之一，呢點佢達到了，加埋大大塊嘅茄子，火腿，我相信呢個Pizza最重要嘅精髓在於佢落咗松露油，真的好香，完全引出每一項食材嘅味道出來。
7. Chocolate Glory 貴族朱古力蛋糕 - 其實佢同另一款menu上嘅dessert "Chocolate Fudge Cake"係二曲同工，只不過呢次嘅蛋糕係切到一個cube嘅大小，而主角係Vanilla雪糕，用一隻杯去盛載，感覺高雅，唔怪得之連個名都有"貴族" 兩字，不過因為啲蛋糕唔係熱嘅，就冇咗同凍凍雪糕發輝冷熱微妙感覺之作用。
8. Tiramisu 意式芝士餅 - 佢嘅蛋糕真係浸咗滿滿的酒，這點我地都覺得係食得非常滿足，只不過上面嘅cream就太過硬同太過厚了，另到感覺有啲膩，這個在同場嘅Little Italy就做得比佢好了。
Comments: 以食物嚟講還可以，但講到服務就有待改善，我同學連最後一塊pizza仲拎住喺手上食緊，佢地已經問都唔問就開始收碟，我同學嘅碟連餐具都一併收哂，真係出奇，非常之唔專業。雖然我之前亦都去過其他分店兩，但我今次嘅經歷，另我終於明白到之前聽其他朋友所遇到的不快感覺，下次去呢間店之前，真係要認真考慮。
張貼
