聚一起牛雜粉麵滷水打冷 (已結業)

今日經過想食打冷，原本諗住去大全街間潮順館，但經過這間小店，見佢新開即管入去試一試，叫了滷水雜拼飯，腩肉豬腸飯，一碟油菜，油菜先到，其實碟菜已經灼得太耐，黃晒，加埋佢啲超級超級鹹的蠔油，簡直食唔到落口。叫個侍應俾碗滾水，我諗住洗走啲蠔油，佢同我講不如俾碗湯我，真係唔明白佢叫俾碗湯我要嚟做乜？鹹上加鹹？跟住到啲飯送到啦，啲所謂滷水完全都唔係滷水，冇鹵過，感覺是白灼完淋上豉油汁，而且啲豉油汁非常之鹹，勉強食完，整個口腔充滿鹹味，不停灌水！這間堪稱是我在大角咀咁多年最難食的一間食肆！