影片
更多
2007-09-26
雖說Simplylife Bakery是我的最愛，但lunch都幾常到Exp。雖然話美心集團已壟斷香港飲食市(Simplylife 同Exp都喺美心架)，實在有部分餐廳都做得唔錯(尤其是西菜)。Exp走東南亞加西餐的年輕Fusion路線，我好多時都在這裏吃完lunch才出車去教琴。Lunch時段都多人架，有Poly D學生，又有中學生(依家D中學生都幾有錢)，要排隊架，但我通常一個女仔來，成日話要坐bar枱(貪有冰場景，望住D人踩冰同D小朋友學踩冰，好得意架)，帶位都好快比我入，唔使等好耐。我比較喜歡它western口味的pasta類，最鐘意是蕃茄雞肉長通粉，幾有茄味。通粉有咬口，蕃茄不只是汁，仲有一舊舊茄肉見到，幾好食。除此以外，波菜海鮮扁意粉都不錯，因為海鮮料(記得就有魚塊、蝦、魷魚)多，味道都ok啊，當然不可其望它的海鮮超級新鮮(呢道並非高級餐廳)，唯一是那個青BB的sauce，令個買相嚇親人，而且汁太多，把整個pasta淹沒了……(其實個sauce都較得好味架，只是太多) 提議它不要把波菜打得過融，留一點「痕跡」，顏色也不要太青就好了。我通常也會點D snack 做appert
Lunch時段都多人架，有Poly D學生，又有中學生(依家D中學生都幾有錢)，要排隊架，但我通常一個女仔來，成日話要坐bar枱(貪有冰場景，望住D人踩冰同D小朋友學踩冰，好得意架)，帶位都好快比我入，唔使等好耐。
我比較喜歡它western口味的pasta類，最鐘意是蕃茄雞肉長通粉，幾有茄味。通粉有咬口，蕃茄不只是汁，仲有一舊舊茄肉見到，幾好食。除此以外，波菜海鮮扁意粉都不錯，因為海鮮料(記得就有魚塊、蝦、魷魚)多，味道都ok啊，當然不可其望它的海鮮超級新鮮(呢道並非高級餐廳)，唯一是那個青BB的sauce，令個買相嚇親人，而且汁太多，把整個pasta淹沒了……(其實個sauce都較得好味架，只是太多) 提議它不要把波菜打得過融，留一點「痕跡」，顏色也不要太青就好了。
我通常也會點D snack 做appertizer，推介是柚子蝦沙律，用東南亞做法，蝦肉夠爽，少少辣味加上沙田柚肉的甜酸，十分清甜醒胃，一人粉量剛剛好，唔會食到等你飽之後食唔落其他食物。紙米卷類味道偏向太淡，唔點醬真喺無味，另外有一個叫三文魚油律，來的時候就有一大達青色(又喺青BB) 的汁在四片三文魚生旁，咦，點解無沙律?? 原來三文魚下面就有幾條幼幼的青瓜絲，我估這些就就算是沙律了，太最惡頂是個青BB的汁，原來它是已調味的wasabi sauce，雖然已調味，但真喺超攻鼻同勁辣，你以為唔點無事，但喺佢以經流開哂成碟，救唔翻啦……大家記着千祈唔好叫呢個snack。
整體來說，呢到食物OK架，但唔知喺咪D sauce太濃味或太多味精，食完成日個口都覺得好咸。
呢到Lunch無set，要散叫，但一點前入座就送一杯juice，有一次我在時間尷尬位(一點過幾分鐘)入座，坐低就拿拿淋order食物，我問她是否仍有果汁送，waitress說有，但我說我未選好口味，着她轉頭過來，只喺一分鐘，我再舉手示意，來的是另一位waitress，當我order時，她卻說時間已過，無得送，吓，只喺一分鐘就無得送，莫非我剛才一次過落單，同埋叫回之前那個waitress就有? 我跟後來那waitress理論了數句。她很有禮貌，不斷say sorry同說唔好意思，又說剛才的同事是新手，不清楚時段限制云云……我想: 無理由因杯juice影響我的心情，之後我放棄理論，就叫了杯要比錢的熱檸茶，怎知埋單時，那waitress說為了道歉，這次那杯熱檸茶是特登免費請我飲的，並希望我不要介意剛才的事，臨走還笑容滿臉地說多謝送我出去，我登時加高哂對這間餐廳的image分，再一次證明請到醒目員工嘅重要。
張貼