八沢 (已結業)

今日和太太往上環八沢食晚餐, 我們點了黑蒜炙燒極濃黑豚肉面, 朱骨湯叉燒拉面、雞軟骨串、濃湯什菜、熱冰糖紅棗雪梨茶和八沢提子特飲。餐廳位置有少少偏僻, 因為他在新紀元廣場但不是近上環站永樂街方向, 而是近皇后大道中方向, 大家要留意留意。黑蒜炙燒極濃黑豚肉面黑蒜味香濃, 炙燒黑豚燒得甘香, 面條爽滑湯底味道味道香濃, 配上炸蒜和蔥花食落十分惹味,好足料的黑蒜炙燒極濃黑豚肉面；朱骨湯叉燒拉面, 湯底好清甜, 有啖啖朱骨湯味, 叉燒入口即熔, 而且食落好腍, 面條好爽口, 好好食；雞軟骨串燒得熱辣辣,配上海鹽食落十分惹味彈牙, 佐酒一流；濃湯什菜湯底好滑, 湯底有點似忌廉湯, 味道清甜,菜好新鮮爽口, 口感清新；熱冰糖紅棗雪梨茶好少見拉面店有此飲品, 好有特色, 紅棗味香濃, 雪梨清甜, 個人認為如冰糖少一點會好些；最後八沢提子特飲是餐廳另一特色飲品,提子味濃, 配上芒果粒, 好有口感, 而且味道清新, 飲落不會太甜, 好飲的特飲。餐廳食物美味,座位舒適, 環境好似日式居酒屋, 而且價錢合理, 拉面好有水準,小食雞軟骨串和濃湯什菜味道不俗, 而且餐廳食物和飲品很有特色, 值得再來。