影片
更多
2011-04-08
19 瀏覽
今日晏晝【肥豪】早收工 , 佢四點多已返到大埔屋企 , 佢即打電話俾我 , 約左晏多少少拎部電腦 , 去我屋企俾我幫佢維修 , 但佢話沖埋涼先。到黃昏大約五點多 , 【肥豪】突然話坐小巴已到元朗 , 咁我叫佢直接上我屋企。稍後拎埋電腦上到我屋企 , 擺低電腦入我房坐下 , 佢因太攰系我房小睡一陣至七點點前 , 期間我煲碟。八點前我同佢落街離去 , 先陪佢去大馬路投注站買六合彩 , 再到【貴子】屋企樓下會合 , 再去大地停車場拎佢部新買既七人車 , 駕車去鳳琴街錶位泊好車 , 到附近搵下有咩好野食。因為一向好少系呢一撻地方食野 , 所以真係唔多熟悉邊間好食 , 凈係知近年呢邊食肆越開越多 , 人流又越黎越旺。行到一間又叫【來來】川菜火鍋店 , 但係唔同教育路裕榮徑、及近水邊圍邨對面福樂徑果兩間 , 只係名稱一樣但冇關係既。但因我腳痛唔想再食咁熱氣及辣 , 所以再行前少少搵 , 行到鴻運中心 , 見竟然有間【邦美蜀】分店 , 三個人心意一致就決定呢道 .但我地想坐鋪外舒服少少 , 而且【貴子】又可以吸煙 , 所以要求一位較年輕高瘦女侍應 , 系門外特別開一張枱俾我地坐。坐低後由另一位阿姐
約左晏多少少拎部電腦 , 去我屋企俾我幫佢維修 , 但佢話沖埋涼先。
到黃昏大約五點多 , 【肥豪】突然話坐小巴已到元朗 , 咁我叫佢直接上
我屋企。稍後拎埋電腦上到我屋企 , 擺低電腦入我房坐下 , 佢因太攰系
我房小睡一陣至七點點前 , 期間我煲碟。
八點前我同佢落街離去 , 先陪佢去大馬路投注站買六合彩 , 再到【貴子】
屋企樓下會合 , 再去大地停車場拎佢部新買既七人車 , 駕車去鳳琴街錶
位泊好車 , 到附近搵下有咩好野食。
因為一向好少系呢一撻地方食野 , 所以真係唔多熟悉邊間好食 , 凈係知近
年呢邊食肆越開越多 , 人流又越黎越旺。行到一間又叫【來來】川菜火鍋
店 , 但係唔同教育路裕榮徑、及近水邊圍邨對面福樂徑果兩間 , 只係名稱
一樣但冇關係既。但因我腳痛唔想再食咁熱氣及辣 , 所以再行前少少搵 ,
行到鴻運中心 , 見竟然有間【邦美蜀】分店 , 三個人心意一致就決定呢道 .
但我地想坐鋪外舒服少少 , 而且【貴子】又可以吸煙 , 所以要求一位較年
輕高瘦女侍應 , 系門外特別開一張枱俾我地坐。坐低後由另一位阿姐招呼 ,
阿姐擺低菜牌之後入返店內 , 清水都冇杯、咁o岩我地又頸渴 , 就算唔頸渴
食肆服務 , 第一時間俾杯水及清茶 , 呢樣係我最在意及評分之一。
我開聲叫阿姐俾杯水 , 阿姐先去拎三杯清水俾我地 , 之後佢又即刻入返鋪
內 , 同先前開枱俾我地 , 果位高瘦侍應系道傾偈。因為我地都係第一次幫
襯 , 所以都唔知有咩好食 , 亦都唔知點叫先o岩份量。
隔左好耐 , 阿姐先出黎向我地推介食物 , 之後經佢推介 , 我地叫左一個二人
粉麵套餐 , 包【兩個任選粉麵 + 油菜一碟 + 雜錦煎炸物一碟 + 熱飲兩杯(凍
飲另加$5 )】, 另外再叫一碗朦粉及凍飲。呢位阿姐介紹期間 , 態度都幾有
禮貌。直到佢拎食物上枱 , 禮貌都保持到 , 打破我剛坐低時印象。
【貴子】叫左【生牛肉朦粉】 , 佢話牛肉係好熟又靱 , 完全同生牛肉個名係兩回事 , 朦粉佢亦話好一般 , 唔見有咩特別香料 , 就算加左酸
醋汁及青檸 , 都係刺激唔到胃口。
【肥豪】叫左【扎肉朦粉】 , 佢又話係極之一般 , 話唔識得點形
容一般喎! 總之佢話食碗潮州粉麵仲好味啦!
【我】叫左【豬排朦粉】, 豬排係好薄身普通快餐店貨色 , 經油
炸冇乜特別惹味味道 , 切得好幼細睇落得一塊豬排份量 , 雖然份量少但味道
極普通 , 所以最後我都食唔哂。朦粉份量就好大碗 , 但我都係落齊酸醋汁 ,
及青檸汁等調味 , 始終都係升唔起個味道。
【煎炸食物】, 剛炸起好熱辣辣 , 沾酸辣醬食 OK , 但都係一般。
【蠔油芥蘭】, 芥蘭灼得唔夠熟稍硬 , 但蠔油我嗒落 , 反而覺得
幾鮮味 , OK 。
坐到九點四十分左右 , 高瘦女侍應已話 last call , 叫我地先埋單HK$158 元 ,
因為近幾次我都贏馬 , 所以今餐由我埋單請客。價錢我覺得唔貴 , 但食物都
係普通。
講食物真係好普通 , 店內環境好擠逼 , 絕對冇泰祥街正店 , 咁寬敞咁企理乾
淨。而且覺得侍應較為冷淡 , 一坐低冇茶水招呼 , 已經大打折扣。好多食店
可能諗住唔俾茶水 , 會令另叫飲品收入增加 , 其實茶水同另叫飲品 , 根本係
兩回事 , 有杯清茶滾水上枱先 , 我覺得都唔會影響客人唔另叫飲品 , 做生意
唔好諗得咁絕咁縮數先得 , 斟下茶水俾客 , 侍應唔會好辛苦 , 洗碗碟阿姐亦
唔會做多好多。
之後先泊好車返大地停車場 , 再步行到教育路大坑渠【佳記甜品】, 差唔多食
完【肥豪】拍檔【May】, 因咁o岩系附近【來來】食完雞煲 , 所以過黎傾偈 ,
四人坐至十一點多各散 , 【肥豪】今晚冇揸車 , 佢坐巴士返大埔屋企。
張貼
