James Kitchen (已結業)

早排系yahoo買左張coupon，一於同男朋友去試下！但今次都有啲伏！去到個到，餐廳裝修得不錯！但侍應較少，又多客，都幾忙下！我地去到，佢叫我地系main course到3揀2、湯到揀兩碗同系飲品到揀兩杯(有橙汁、紅酒、白酒)Main course：豬架同牛排，湯：蘑菇湯同南瓜湯，飲品：紅酒同白酒蘑菇湯系將蘑菇打碎成粒！我覺得呢個都幾得意，因為平時飲個啲系打成溶，呢個食到一粒粒嘅蘑菇！我覺得都唔錯！南瓜湯嘅南瓜味好香！南瓜打成溶夾埋忌廉味都幾香！但飲落冇咩南瓜味！西班牙八爪魚、智利鯖魚同法國煙海鰻中我覺得鯖魚最好味，因為佢嘅汁冇咁重味。而調味方面，其實差不多每一款都係酸酸地咁，確實前菜黎講，都幾開胃！海鰻就鹹鹹地，我覺得都ok，但男朋友就覺得麻麻地啦！八爪魚就普通啦！因為系肉眼扒關係所以呢塊牛排比較多肥肉！賣相差左小小，因為外層嘅肉好似鬆開曬咁！我地叫左6成熟，上菜時只有4成熟！因為我好中意食牛，我就冇咩所謂，但男朋友已經皺曬眉啦！另外，佢都煎得幾捻，我覺得呢個都系加分位！汁幾香！驚喜位系，平時食開嘅扒都係配薯蓉，呢個系配紫薯，好得意，甜甜地，都好滑下！豬架，我覺得比牛扒好味！雖然我