影片
更多
2023-08-13
51 瀏覽
約左朋友去WM酒店staycation，而staycation package裡面包左$1000餐飲卷，於是我地就一齊去左M Square度食晚餐。.我地前一日係OpenRice book位，而食飯當日係星期五夜晚7:30，去到門口嘅時候已經有大約10個人係接待處等待安排入座，不過我哋都順利準時入座。可能因為暑假比較多人staycation關係，餐廳亦較為爆滿，最好都係預先book定位❗️.食物方面，我地叫左兩樣主食，一樣小食。第一樣主食係Iron Grilled Rib-eye Medium Rare $458。本身第一下見到牛扒嘅顏色比較淺色，以為中伏，但係食落生熟度啱啱好、肉質嫩、味道鹹香適中，而且伴碟嘅薯蓉都好好味，質感軟滑，牛油味重。.第二樣主食係Pancetta Carbonara $159，芝士忌廉汁味道濃、意粉彈牙掛汁。而煙燻煙肉每粒切成四方形，增加口感，味道鹹香，而且肉質並非乾柴柴，平時唔食煙肉嘅我都好鍾意。.而小食方面叫咗Cajun Prawn Aioli Chips $62，即炸熱辣辣又脆嘅粗薯條，配上超重蒜味嘅蛋黃醬係絕配！奇尊粉蝦味道惹味，質感都算彈牙，不過只有
.
我地前一日係OpenRice book位，而食飯當日係星期五夜晚7:30，去到門口嘅時候已經有大約10個人係接待處等待安排入座，不過我哋都順利準時入座。
可能因為暑假比較多人staycation關係，餐廳亦較為爆滿，最好都係預先book定位❗️
.
食物方面，我地叫左兩樣主食，一樣小食。第一樣主食係Iron Grilled Rib-eye Medium Rare $458。本身第一下見到牛扒嘅顏色比較淺色，以為中伏，但係食落生熟度啱啱好、肉質嫩、味道鹹香適中，而且伴碟嘅薯蓉都好好味，質感軟滑，牛油味重。
.
第二樣主食係Pancetta Carbonara $159，芝士忌廉汁味道濃、意粉彈牙掛汁。而煙燻煙肉每粒切成四方形，增加口感，味道鹹香，而且肉質並非乾柴柴，平時唔食煙肉嘅我都好鍾意。
.
而小食方面叫咗Cajun Prawn Aioli Chips $62，即炸熱辣辣又脆嘅粗薯條，配上超重蒜味嘅蛋黃醬係絕配！奇尊粉蝦味道惹味，質感都算彈牙，不過只有三隻，亦比較細隻。
.
飲品方面叫左兩杯Iced Tea，一杯Peach & Mango $46同Blackcurrant & Raspberry $46。普普通通，建議叫返Milkshake或本地手工啤應該會較為特別。
.
總結一下：
1/ 食物味道不錯
2/ 價錢合理
3/ 服務尚可
.
後記：
食完先發現外賣自取的話有55折，如果有朋友係係WM Staycation嘅，可以考慮買上房食！
張貼