塚田農場 (已結業)

今日收早，家母通知今晚唔煮飯，自己食自己。收工拿拿臨問同事陪唔陪我食晚餐😂佢話ok所以就去塚田食個早晚餐。呢間餐廳開左咁耐其實我都係第一次幫襯。餐廳環境闊落，而且都坐得幾舒服。照燒雞&免治雞肉碎丼 $68雞肉質感滑身。而且亦都有雞味，唔會一味得個咸字。鰻魚忌廉芝士壽司卷 $40芝士味重。啱晒芝士控，鰻魚亦都唔會話好細舊。鰻魚個汁好味。南蠻炸雞 $38 天婦羅 $58炸得好香口。唔會話多粉。芒果石鍋雪糕新地 $58呢個必食推介，鍾意甜食嘅朋友一定要試吓。