桔梗 (已結業)

同朋友喺旺角搵嘢食，佢話有間餐廳專門食燉飯，雖然我唔知係乜，不過冇所謂啦一於試吓。佢嘅裝修有大落地玻璃，望入去空間好大好舒服。我哋點咗四個燉飯，幾個小食同埋飲品，原來燉飯有啲似意大利飯。第一個係烤章魚墨魚燉飯，個飯有墨魚汁做嘅，所以全部都係黑色。龍蝦干貝羅勒堅果燉飯，全隻龍蝦開邊，新鮮又鮮甜。干貝燻鮭翠瓜奶油燉飯，奶油味好香，而且有幾粒新鮮嘅帶子，加上三文魚係入面，值得推介。川味剁椒牛肉燉飯，辣辣地幾惹味。特製雞中翼，份量都唔少。軟殼蟹小漢堡，我覺得呢個係另一款要推介嘅食物。每日昔昔，類似奶昔嘅健康食品，用季節生果做嘅。最後點咗四杯飲品，有洛神花茶、玫瑰花茶、奶昔同埋黑糖牛奶。