影片
更多
2022-05-11
32 瀏覽
曾經黎食過一次LUNCH, 仲記得個陣岩岩開唔太多人, 而室內裝潢真係好靚, 隔左咁耐今次上到黎, 第一反應係依然覺得好靚, 每張枱都有月球燈, INDOOR天花佈滿波波燈, 酒吧櫃枱有格調, 加埋昏黃燈光, 好有氣氛! 夜晚8點半上到黎, 餐廳依然滿座, 連OUTDOOR都好FULL, 有種係諾士佛台食飯既感覺。Nasi Goreng-styled Spaghetti with Prawns $148印尼風味既意粉, 印尼蝦片, 串燒同大蝦,意粉炒得香口, 帶香葉味道, 如果加少少辣應該會仲正! 大蝦已去殼, 口感爽彈, 旁邊既串燒亦有焦香, 好食!Creamy Mentaiko Rigatoni with Scallop $148用上表面有坑紋既粗管通粉, 配上濃稠既芝士同明太子醬汁, 醬汁融入左每條通粉, 啖啖都有明太子既微辛辣同咸香。帶子有3-4粒, 煎得表面金黃, 入口嫩又甜!Chicken Wings with Teriyaki Mayo $72外皮炸得好鬆脆, 肉保持到JUICY嫩滑, 香口! Deep Fried Onion Rings $72又係即叫即炸, 大大個
夜晚8點半上到黎, 餐廳依然滿座, 連OUTDOOR都好FULL, 有種係諾士佛台食飯既感覺。
Nasi Goreng-styled Spaghetti with Prawns $148
印尼風味既意粉, 印尼蝦片, 串燒同大蝦,意粉炒得香口, 帶香葉味道, 如果加少少辣應該會仲正! 大蝦已去殼, 口感爽彈, 旁邊既串燒亦有焦香, 好食!
Creamy Mentaiko Rigatoni with Scallop $148
用上表面有坑紋既粗管通粉, 配上濃稠既芝士同明太子醬汁, 醬汁融入左每條通粉, 啖啖都有明太子既微辛辣同咸香。帶子有3-4粒, 煎得表面金黃, 入口嫩又甜!
Chicken Wings with Teriyaki Mayo $72
外皮炸得好鬆脆, 肉保持到JUICY嫩滑, 香口!
Deep Fried Onion Rings $72
又係即叫即炸, 大大個洋蔥圈, 加上帶酸辣既醬, 好岩同朋友邊傾邊食!
仲有依度D COCKTAIL同MOCKTAIL造型都好靚!
Phoenix $78
偏愛清爽口味既我揀左加入檸檬汁, 蘋果汁同埋青瓜既MOCKTAIL, 飲落酸酸甜甜之外, 青瓜既清新口味好突出, 食完咁多炸野好岩飲!
Sagitta $78
青檸, 柚子, 芒果MIX埋一齊, 芒果既香甜令成杯MOCKTAIL味道變得獨特, 酸中帶香甜好飲呀!
張貼
