必勝客 (已搬遷) 新店位置

以前鍾意幫襯馬鞍山pizza hut，因為經理同 其他staff都好有禮貌，好friendly, 但係近年幫襯，服務已大不如前。最近兩次食下午茶，原本想order 朱古力waffle, 點知兩次都話唔夠材料，無得供應，只可叫士多啤梨waffle, 幾個月之前已經因為無材料而無得供應，幾個月之後都仲係咁，無解決過，如果真係唔想供應呢款食物，就直接改左個餐牌算啦！個士多啤梨waffle上到枱，我都嚇一嚇，d士多啤梨多到呢，成個waffle上面，夾埋只係得半粒士多啤梨！另外仲有4粒blueberries同一球雪糕囉。我expect waffle係熱既，點知係凍既，非常失望！呢個waffle 以$62既價錢，絕對唔值! 下次我都係去返馬鞍山廣場既beans, 人地下午茶既雪糕吐司，精緻好多，服務又好好多，飲品選擇又多，價錢都係50幾蚊咋！我決定左，以後唔會再去新港城pizza hut了, 無下次了。