金鶴拉麵 (九龍城道) (已結業)

上網揾到呢間金鶴拉麵，雖然位置有啲難去，但附近都有巴士站到。店舖內外裝潢都非常別緻，好有日本風味。入到金鶴拉麵，店員都好好耐心向我地解釋餐牌上嘅食物。原來除咗拉麵之外，仲有其他飯類嘅選擇，所以我地就點左一份招牌金鶴雞白湯拉麵，一份咖喱炸雞飯，一次過試晒兩樣主食。招牌金鶴雞白湯拉麵果然係招牌，雞湯味道濃郁 ，麵質爽口彈牙，唔會覺得好油膩。而咖啡炸雞飯，炸雞外皮薄，非常脆口，咖啡味道十足。煎餃好香口。朋友仔就認為唐揚炸雞肉較特別，因為佢地唔係配醬油，而係配檸檬鹽！食落去幾fresh！最後，店員仲送左抹茶丸凍俾我地做飯後甜點，對於唔係抹茶控嘅我地，都覺得都幾好食！店員仲向我地解釋，佢地嘅筷子係兩頭設計，想食客一邊食鹹食，一邊食甜品，真好好細心嘅設計。-最重要係呢到嘅環境清靜，裝飾擺設用餐用具都好有日本風情，店員嘅貼心服務，令我覺得好warm😍