J.moon

〈牛肉粒老乾媽意粉〉🐮🍝呢款意粉主要由番茄調味為主，有少少辣味，令人食得好開胃，仲有份量都唔少嘅牛肉粒，肥瘦均勻，值得推介。〈白汁明太子闊長通粉配帶子〉🍝🍥明太子醬汁份量一啲都唔吝嗇，醬汁充滿着每一條長通粉入面，令我呢個咁鍾意明太子味道嘅人來講簡直係恩物，帶子大大粒，一啲都唔韌。〈魷魚圈配蜜糖柚子醬〉🦑🍯好欣賞餐廳將每一款炸物都配以唔同嘅醬汁，令到食物嘅味道更加提升到另一個層次，魷魚圈炸得啱啱好，炸粉又唔會太厚太硬，魷魚圈一啲雪味都冇，真係冇令人失望。〈炸雞翼配照燒沙律醬〉🍖🥛一字骨雞翼令我哋呢啲女仔都唔怕食得冇儀態，好方便咁樣就可以食晒雞翼嘅肉，唔怕整到周圍都係啦！照燒沙律醬味道同雞翼都好夾，一啲都唔會太膩。〈Taurus〉🍸呢款Cocktail係由青檸、西柚、芒果味梳打調配而成，酒味都幾重，適合嗜酒人士一試。〈Pisces〉🍹而呢一款主要就由蘋果、青蘋果同檸檬調配而成，酸酸尾尾，食意粉呢啲西餐就最適合不過。