岩盤牛扒 ミディアムレア ステーキ (T Town South)

今日星期六，訓醒同老公去試下新野，呢間岩盤牛扒，玩下自烤牛扒，叫了一客3xx克的下三角肉（$0.79／克），一客櫻花丼（肉眼）$80，都改跟餐，有白飯／沙律／汽水，共$3xx，牛肉非常優質，可自加粉紅岩鹽／燒汁／黑椒／辣椒粉，但汽水只有200毫升罐裝，根本唔夠飲，那個例湯（羅宋湯）竟然有煙熏味。。。。 老公話擺明喺煲燶左。。。。竟然仲奉客品嘗！？
另外，我要吐槽一下，那個職員嘅服務問題，因為第一次來，門口冇安心出行QR code，又冇掃針卡，揾左一輪才看見那個自助售票機，全程冇職員理會，嘗試一輪之後，又發現售票機不能下單購買部份食物（自燒牛扒），詢問職員才獲告知需到櫃檯購買，職員全程面無表情，令我想起年初四的心情。。。我再詢問職員哪裡掃描針卡，他才叫我到櫃檯旁掃描，若我沒有主動問起，那。。。後來有個婆婆進店想購買食物，職員看見她東張西望，但仍然沒有提供協助，是我告訴婆婆可到轉角的櫃檯購票！
總結一下，食物尚可，服務。。。有待改善！