香港郵意 (已結業)

夜晚2個人7點幾黎食，叫左2杯飲品，一個心太軟同蒜香意粉。全店都好開放式，食物準備好時會有個機提示去拎，但總共拎野飲，甜品，意粉，各樣分開上拎左3次有少少唔方便。食物唔錯既，由其個心太軟，係幾流心。但本身係想試pancake，但話由於8點半後有甜品放題，所以想比原價都食唔到，已經有啲怪。食到8點3，有職員周圍向各台客人表示8點半有甜品放題，如果本身冇book位需要盡快食完讓坐。但眼見有啲人8點先黎，轉頭叫人走？我比正餐價錢反而不及你個優惠甜品放題。感覺已經唔太良好，好彩本身已岩岩食完，抖多陣就準備走，如果唔係我會表示冇可能咁樣叫客人走，本身又冇用餐時間既。建議劃返開啲位比個放題，其他人依然可以享受正餐既服務。