紅磡冰室 (已結業)

2點幾去到尖沙咀真係無乜好食，好多鋪頭3-6都落場，周圍行比我地見倒呢間紅磡冰室，見入面好似好多人以為應該唔差，所以入去一試，我地點左三絲炒面同xo醬豬頸肉炒河，紅豆冰，熱咖啡，炒面好似漿糊湯面，炒河呢頭落單果頭拎上枱，表面是熱的，裡面是微溫，而且無味，得個油字，愈食愈凍又出左油好難食，想搵個伙記理輪吓，點知啲人扮睇唔倒，終於搵倒個人理吓我地，但佢話隻碟仲熱，覺得唔係炒定放喺度，爭論左一輪，最終都話幫我地炒過一碟，依舊難食，紅豆冰無味，啜兩啖就無晒，仲要啲豆是硬的，咖啡怪味，總之無下次😐